蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月20日
馬上成為壹會員

【馮仁昭四圍超】謝天華老婆陀女 湊好字

曾志偉、鄭伊健、陳小春、謝天華、林曉峰、錢嘉樂同倉田保昭等前晚到沙田出席電影《黃金兄弟》首映禮,獲好友洪金寶、高麗虹、鍾鎮濤、李若彤、袁潔瑩同吳鎮宇等撐場。謝天華4月嗰陣公佈太太又有喜,佢喺活動上話:「嚟緊屋企會再多個新成員,今次係粉紅色嘅。」身邊一班兄弟恭喜完天華湊個「好」字後,導演錢嘉樂就點名天華片酬收得貴,仲叫佢拍第二集唔好收得咁貴,天華笑住話:「因為我對白講得少,除開就係最貴。」

志偉投資酒店

另外,講到陳百祥(阿叻)大爆志偉係「橫店富豪」,有間投資7億嘅酒店就快開幕,加埋周邊嘅地,總值近40億人仔,但志偉就「發咗達唔理人」,冇請佢出席《黃金兄弟》首映。志偉回應話:「佢唔得閒嚟,就會話我冇打㗎喇!上次話我幾廿億買酒店,同佢畀貼士一樣,係唔可信㗎!」問到係咪做咗橫店首富?志偉笑住話:「做咗我仲使做咩?梗係唔係啦!」不過,志偉就承認係開酒店,但自己只佔少少股份:「因為橫店我哋拍戲成日都會住,買一兩間,朋友拍戲都會住嗰度。係咁上下啫!」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載