蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月20日
馬上成為壹會員

感激發哥關照企前排

景黛音當年拍劇與不少猛人合作過,當中對周潤發、趙雅芝及梅艷芳印象最深,鄭秀文則是她最欣賞的後輩藝人,玩微博亦是因為她。

相關新聞:湯水滋潤Keep靚樣

發哥介紹做老婆

「我第一個劇《上海灘》,我做佢老婆,嗰時好似訓練班未畢業。我好鍾意佢,佢係一個好照顧新人嘅人!當日記者招待會,我哋梗係企晒後邊,主角企前面,佢就好nice咁話『呢個係我老婆』,畀我企喺佢隔籬。佢呢樣嘢好好,好值得人學習。」

趙雅芝幫蓋披風

「我又好鍾意佢,佢係個好好心地嘅人,好記得嗰時我哋拍《上海灘》拍通宵,瞓喺梳化度,我真係好記得好記得,佢攞件披風幫我冚,我諗佢或者唔記得啦,所以我話對我好嘅人我樣樣記得,我又唔係一個特別角色。」

相關新聞:【韓毒入心】嘟姐攬朴敘俊嗌男友

梅艷芳同遊日本

在梅艷芳擔正的劇集《香江花月夜》中,景黛音飾演小杜鵑,跟蔣麗萍同樣是第二女主角。景黛音跟阿梅原來私底下是好朋友:「佢係一個絕頂好人,我同佢一齊去過日本㖭,佢好鍾意一大班朋友。」

鄭秀文人品好好

「我好欣賞佢,見佢有微博喎,咪跟佢玩吓啦!佢真係好nice,我比較鍾意佢本身人品多啲,佢哋喺圈裏面成就唔係咁重要,唔係因為佢紅唔紅。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載