› 選擇地區
三藩市
紐約
洛杉磯
其他美國地區
香港 台灣 北美
 
2018年09月23日

單身冇王管 唐詩詠放寬性感

唐詩詠和朱千雪昨日到尖沙嘴出席商場的萬聖節活動,穿低胸裙的唐詩詠表示並非刻意性感,自言現時衣着尺度較大:「最緊要靚就得。」問是否因為單身,所以尺度較寬鬆?她說:「都係嘅,如果拍拖嘅話會尊重同聽另一半意見。」那舊愛洪永城以前是否管得很嚴?她再說:「呢啲我唔記得喇。」
明天中秋佳節,唐詩詠將要在工作中度過:「我同陳敏之拍緊劇,或者到時叫佢帶個囝囝嚟陪我。」她反而期待下月的萬聖節,希望放假去玩:「我記得前幾年同楊怡一齊去主題公園玩,因為化晒鬼裝,冇人認得我哋,玩得好開心。」

朱千雪短訊談心

朱千雪早前到日本拍旅遊節目,透露行程中趁空檔到藥妝店掃貨:「平時衫褲可以上網訂,但日本嘅化妝同護膚品真係比較特別,我以前都唔鍾意行,但𠵱家每次都要入去買啲嘢。」她現正修讀法律系博士,踏入新學期功課繁忙,無暇跟新加坡醫生男友見面:「上次因為打風取消晒啲機,跟住我哋都冇再見過面,惟有FaceTime同短訊聯絡。新加坡好近,有假期就可以飛過去。」
採訪:曹家誠
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載