蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月24日

娛樂人物:龍志權自我感覺
唔係樣衰就得

10,226

毛記主播出身嘅龍志權參加ViuTV《Good Night Show全民造星》,因早被網友熟識同已有一班追隨粉絲優勢,喺比賽中以一人扮晒男女聲對唱《會過去的》,刻意走音獲評判同網民激讚,佢日前喺觀塘接受專訪時,話估自己四十強就會出局,所以入到十強都覺得好意外。

藝名源自GD

原名王雍泰嘅龍志權因加入《100毛》,將韓國天團BIGBANG成員權志龍(G-Dragon)調轉成「龍志權」做藝名:「志權係一個好港式名字,我本身好少睇韓風,我做港仔嘢,咪用個港仔名。」問到覺得名字有助帶動入圍,佢坦言:「由99去50強時,某程度啲人覺得咁沙泡投吓我睇我乜料,有人會記得我名先,我真名叫王雍泰,完全同龍志權無關。」

自覺係型男

外表唔算出眾,但充滿表演慾同自信,問佢走乜路線,龍志權話:「細個覺得自己係型男,𠵱家人哋覺得我係搞笑,意見太多,我唔係全部睇晒,最記得其中一個話我唔樣衰,但有陣X味,話我唔樣衰我慶幸 咗,已經係一種讚美,有陣seven味有時可能自己散發出嚟都感覺唔到。」
提到龍志權喺《造星》入面,自己一個人扮晒男女聲突圍,佢話:「未必唱功好同勁啲人就鍾意,99位參賽者中都有好多人唱得好,我覺得係咪要做一樣大家有共鳴、易入口嘅嘢,我以前讀男校,唱K冇女仔唱,我哋會自己對唱番,只係將呢個形式搬去比賽。」

撰文:卓寶花
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載