› 選擇地區
三藩市
紐約
洛杉磯
其他美國地區
香港 台灣 北美
 
2018年10月01日

【娛樂人物】舞蹈員殺入十強
《造星》Anson乞女憎

ViuTV節目《Good Night Show全民造星》踏入尾聲,節目捧紅的,除了姜濤,還有江熚生(Anson)。26歲的Anson做過兩年舞蹈員,一心做歌手的他不喜歡站在後面的感覺,所以才參加比賽。不經不覺,Anson也走到10強,更有一班少女粉絲支持,不過原來他中學時期被女仔討厭,皆因他包面又口賤。

採訪:黃曉妍
攝影:陳俊強

相關新聞:姜濤自嘲懵吓懵吓

舞蹈員出身的江熚生,在《造星》殺入最後10強,靚仔又跳得的他深受少女粉絲歡迎,就連主持黃心美每次見到Anson表演都異常興奮。Anson日前接受《蘋果》專訪,他笑說從不覺得自己靚仔,更指現實中感情生活不精采︰「現時係單身,我又唔覺自己好靚仔,我唔多女仔追㗎。讀中學時,啲女仔幾討厭我,因為我有少少包包面,把口又好賤。畢業後,因為鍾意跳舞開始收身,個人就正路啲,所以中學同學都話我唔同咗。」

望奪新人金獎

曾說過不喜歡站在藝人後面表演的Anson,人生的夢想是做歌手,更冀望有天能奪「叱咤男新人金獎」。他說當年曾經簽公司,但最終沒發展就解約,但自己很喜歡唱歌、跳舞,只好做舞蹈員。能歌善舞的Anson吸引不少女性粉絲,但原來他忠實的粉絲是他母親:「最開心係我阿媽,以前佢睇騷,唔係睇歌手唱歌,係搵我喺邊,𠵱家媽咪每日都睇重播。」

七年時間苦練

Anson一直努力排練,但選出10強時,導師劉美君卻狠評他進步不足,他亦自知欠天份︰「自己有啲唔爭氣,進步唔大,因為我本身唔係好有天份。我以前唔識跳舞、五音不全,我單純到只係想將呢樣嘢變成職業。中學同學成日笑我發明星夢,但你越抨擊我就越要做畀你睇,我花咗七年時間先練到呢個level,仲要唔係好勁。」
外界大多都認為姜濤會贏他,但Anson不會視對方為勁敵:「我當佢係小朋友、細佬,如果真係佢攞,證明佢值得。對於ViuTV有意簽約,Anson亦有所考慮:「我未簽,我唔知電視係咪適合我發展,因為我最想唱歌。」ViuTV將安排Anson拍新劇,但他卻反問:「點解我唔知嘅?拍劇係咪一定要簽約先?如果淨係搵我拍劇,我一定OK。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載