› 選擇地區
三藩市
紐約
洛杉磯
其他美國地區
香港 台灣 北美
 
2018年10月07日

田蕊妮:佢有初戀感覺

(左起)陳煒、田蕊妮與張繼聰結伴飲喜酒。攝影:陳慧安

韋家雄昨日結婚設宴,不少圈中人都有出席,包括黃秋生、郭晉安、張繼聰、田蕊妮、陳煒、莊思明與楊明等。秋生自嘲退休人士,才有空出席飲宴:「戥佢開心,知佢經歷過一段困難日子,佢老婆咁高,睇佢樣知係賢妻良母,佢識咗老婆開心咗,運氣好咗,個人有光彩。以前睇佢拍戲好慘,成日被人恰,我邊敢恰佢,佢大佬係邊個。」

相關新聞:【綠葉王】港鐵見義勇為斥淫賊

康華透露曾與家雄在劇中做情侶,記者笑言新娘不是她,她表示:「我好戥佢開心,個個同事喺公司見到佢都話唔同晒,甜絲絲,世界好美滿。」田蕊妮就笑家雄娶嫩妻:「佢次次提起就嚟結婚就會有啲靦腆、心如鹿撞,有初戀感覺。」至於會否教兩人夫妻之道,她說:「個個都有自己一套相處之道,佢係一個飽歷風霜嘅人,認識佢嘅人都知佢好幽默,佢係一個好錫老婆嘅人。」
昨日做兄弟的楊明自嘲近日經常做戥穿石,已經變「老屎忽」,他接完新娘後說:「頭先喺樓上都係應吓景、食吓wasabi,同班兄弟手執花球跳大媽舞,主要都係𠱁吓老人家開心,老人家仲要求我哋跳足兩分鐘。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載