› 選擇地區
三藩市
紐約
洛杉磯
其他美國地區
香港 台灣 北美
 
2018年10月07日

胡琳秘嫁圈外人 老公低調得背影

現年38歲的胡琳06年闖樂壇,成績平平,去年轉戰公仔箱,事業漸見起色。昨日胡琳就爆喜訊,她於上周二已秘婚,於尖沙嘴一間餐廳舉行小型派對,只宴請約30名親友參加,就連經理人也蒙在鼓裏,昨日胡琳已度完蜜月返港。

泰國度蜜月

新娘胡琳昨日接受《蘋果》電話祝福,難掩興奮:「啱啱落機,我哋去咗泰國度蜜月,新劇未拍完。呢次結婚好突然,好多朋友都冇通知,因為屋企人想低調,加上我同老公鍾意簡單。本來諗住簽個紙就算,不過父母嚟咗香港,唔搞婚宴唔得,所以就只邀請最親嘅人出席,諗住之後再公佈喜訊,估唔到咁快就被公開,成為人妻嘅首要任務,係向大家滙報婚事,呢個感覺好特別!」
新娘子昨日亦在fb貼相,見她抱着愛貓大晒龍鳳鈪,幸福滿瀉,她留言:「很幸福,感謝大家的祝福。」她亦有向傳媒發婚照,但新郎只得背影,十分低調。據知一向甚少談感情事的胡琳,老公是圈外人,今次突然閃婚,有傳是雙喜臨門。
閃婚消息傳出後,胡琳收到各方祝福,她十分感恩︰「我終於踏入人生另一階段!實在緊張又開心!喺呢度特別向一直『蒙在鼓裏』嘅好朋友講聲抱歉,因為要照顧家人感受,惟有唔講住,多謝大家諒解。」與胡琳合作拍劇的陳敏之亦送上祝福:「恭喜琳琳!祝佢幸福美滿,快啲加入索媽行列。」
採訪︰陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載