› 選擇地區
三藩市
紐約
洛杉磯
其他美國地區
香港 台灣 北美
 
2018年10月07日

【娛樂人物】樂印姊妹婚化

樂印姊妹每年暑假推出限定情歌,慨嘆當歌手好悲哀。

組合SIS樂印姊妹由親姊妹駱胤樺(姊姊)、駱胤鳴組成,產量限定,感慨「一年一首歌,真係唔夠喉。」兩人出道四年,體會歌手生存越見艱難,但仍希望歌曲唱出快樂甜蜜的愛情感覺。講到結婚人生大事,兩姊妹則出現異見,各走極端。

採訪:盧妹
攝影:沈健程

樂印姊妹日前在九龍灣接受訪問,慨嘆:「𠵱家音樂界好多人都唔係靠唱歌去維持人氣,我都明白投資喺音樂係有難度,出碟更加難,其實好悲哀。」姐姐胤樺感慨說:「一年一首歌,真係唔夠喉,我好鍾意錄音室,錄一首歌唔會好耐,好快又要離開。」但苦之後也會嚐到甜味,她說:「好多人問點解唔係每個平台有得聽,原來大家會期待,真係好開心。」

幫人表白

妹妹胤鳴希望她們的歌曲保持甜蜜、正面的情歌風格:「市面少呢類歌,表白講拍拖開心事,上次已經係《勾手指尾》,希望可以繼續畀大家快樂甜蜜嘅愛情感覺。」
新歌鼓勵人勇敢表白,現今大膽說愛的人買少見少,胤樺平日有和朋友組成a cappella(無伴奏音樂)樂隊,幫助別人示愛和求婚,她分享其中一次經歷:「有個外貌平平嘅求婚男,唔識唱歌跳舞,佢女友鍾意K-Pop,就同我哋一齊唱,但係唔好聽囉!佢都成功求婚,個女仔仲感動到喊。」胤樺笑言不希望將來男友請a cappella唱歌:「跳降傘會好啲。求婚點都要有紮花同戒指,最緊要有朋友同阿妹喺度。」

期待求婚

胤鳴有位拍拖三年的男友,她說求婚不要花巧:「細個想想轟烈啲,男友同我去跳笨豬跳,跳之前問我願唔願意,然後一齊跳落去,但𠵱家就唔想搞咁多嘢。」男友未求婚,但一顆恨嫁的心已宣之於口:「佢求我咪應承,可能未問完,我隻手已伸定出去。有次佢突然叫我請定假,話幫朋友求婚,我以為佢同我求婚㗎!原來佢真係幫人求婚,最後我冇去到,好失望。」
場地提供:Chill Hea Office n Party
髮型及化妝:Rita Leung

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載