蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月08日

【娛樂人物】
由韓國練習生回港選《造星》
細貓音樂追逐

9,638

現年24歲的應智越(細貓)是ViuTV《Good Night Show 全民造星》其中一名參賽者,總決賽舉行在即,細貓擁有一把獨特靚聲,能唱擅跳,懂樂器創作,視為黑馬。他五年前到韓國進修音樂兼做練習生,為學業和比賽兩邊飛,花費不菲。單親家庭長大的他在經濟壓力下,一度考慮退賽,最後因為家人的支持才撐過來,繼續追尋夢想。

應智越日前在九龍灣接受訪問,他說到韓國讀音樂是機緣巧合:「由細到大,阿哥成績好啲,後來我揀咗音樂呢條路,阿媽好支持,但細個時要照顧細佬妹,放棄讀大學,所以我讀音樂,好似繼承佢個夢想。」由於內地曾發生「限韓令」,令細貓極擔心前途:「我簽咗一間內地公司,參加內地節目《偶像練習生》,但公司冇幫過手,買衫call車靠自己,好慘,因為我同公司喺合約上有啲糾紛,𠵱家仲調解中。」

「好驚俾人話MK」

比賽初期,細貓因不太起眼,後來將頭髮染白,他說:「係馬天佑老師嘅睇法,初時有啲拒絕,好驚俾人話MK,前排去快餐店食嘢,有個婆婆見我就話點解我咁後生就有白頭髮,而佢成頭白頭髮要染黑,仲話我咁後生就要染白,係咪儍咗?」
論唱功,細貓絕對不弱,但比賽焦點初時落在梁業(肥仔)、姜濤和楊樂文(Lokman)身上,細貓則認為大家機會均等,以行動代替說話,不覺是陪襯品。他直言沒有把大熱的姜濤視為勁敵,反而當對方是弟弟般看待,大家的關係越來越密切。
撰文:黃曉妍
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載