› 選擇地區
三藩市
紐約
洛杉磯
其他美國地區
香港 台灣 北美
 
2018年10月12日

【馮仁昭四圍超】ViuTV揼本自製劇
《造星》姜濤兩劇揸手

噚日ViuTV喺九展舉行「2019節目發佈會」,陳秀雯、景黛音、盧海鵬同《全民造星》一班參賽者都有出席。現場介紹明年製作嘅劇集同新一季《造星》節目外,ViuTV仲會喺九展開設新錄影廠,方便現場觀眾參與節目拍攝。

廣告客戶勁冧

最近因《造星》人氣急升嘅姜濤,前晚亮相畢書盡演唱會做嘉賓時,已經引到班粉絲狂叫,原來佢好受廣告客戶歡迎。噚日姜濤同其餘《造星》八強,隨住宣傳片播出後上台跳舞,當姜濤做出心心招牌動作時,台下嘅廣告商代表即刻發出歡呼。姜濤除咗會同復出嘅景黛音拍劇集《退休女皇》,仲會同其他《造星》參賽者拍攝劇集《信任的遊戲》。
對於未贏已經有劇在手,姜濤話:「完咗先再諗,多人支持好大壓力,𠵱家平常心,唔好諗一定贏。」佢又話有劇在手,唔代表輸贏可以隨意:「做藝人有危機意識,今日好唔代表聽日好,要充實自己。」ViuTV製作部副總裁金廣誠被問到係咪力捧姜濤,佢答得簡單:「其實我哋都有casting,都要由監製、幕後選出嚟。」
劇集方面仲有南方舞廳新作《婚內情》、改編藍橘子小說嘅科幻愛情劇《假若愛有期限》、反映社會議題嘅校園劇《教束》、號稱係非一般家庭倫理劇《仇老爺爺》、科幻喜劇《Reboot重新啟動》等,當然仲有重頭劇《詭探前傳》。另外,ViuTV仲宣佈奪得明年《第38屆香港電影金像獎》直播權,體育方面就有西甲、世界高爾夫球錦標賽、香港網球公開賽等嘅直播權。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載