› 選擇地區
三藩市
紐約
洛杉磯
其他美國地區
香港 台灣 北美
 
2018年10月12日

林嘉欣封肚 屋企唔着低胸

林嘉欣宣佈封肚,兩個就夠晒數。

林嘉欣昨晚難得行性感,穿上低胸晚裝到金鐘出席珠寶活動,與同場的熊黛林較勁,成功吸引全場目光。見到眾人反應,嘉欣儍笑道︰「我自己都唔敢睇,不過放心,好安全㗎,乜嘢安全措施我都做齊,因為怕走光。」由於正面望腰位有少少微凸,有記者問她是否有喜,嘉欣笑住解釋︰「係布料反光,絕對唔係有喜,停咗㗎嘞!」記者問她停了甚麼?她說︰「兩個夠晒數,我封肚好耐啦,平時唔敢喺屋企咁着,否則好易咇多件出嚟。」

熊黛林剛與老公郭可頌從新加坡旅遊返港,落機後即刻與孖女一家四口為自己慶祝38歲生日︰「因為孖女仲細,所以冇周圍去。」問她再度蜜月是否想再造人?她反應很大︰「又嚟!呢兩個都未搞得掂,妹妹好重磅,湊佢哋辛苦過舉啞鈴。造人就隨緣,不過我都覺得有多個仔幾好,但生完要減肥,之前肥咗50幾磅,𠵱家減咗30幾,着衫比以前大一個碼㗎。」
採訪︰羅慧敏
攝影︰仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載