蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月15日
馬上成為壹會員

阿姐畀面無綫羣星傾巢
潘嘉德70慈善壽宴爆滿

潘嘉德搞70歲生日宴,親自出來迎接汪明荃,二人互攬祝福。

人稱德哥、無綫前金牌監製潘嘉德前晚在中環一間酒家搞70大壽,筵開35席,不少花旦、小生及藝人前來祝賀,包括汪明荃(阿姐)、古天樂、陳慧珊、林峯、胡杏兒、吳卓羲、宣萱、羅仲謙夫婦及李克勤夫婦等,而德哥昔日訓練班同學杜琪峯、談泉慶及賴水清亦有出席。德哥得知阿姐到場,即場出來迎接,可知阿姐在他心目中別具份量,二人互相祝青春常駐兼互攬。

謙謙讚契爺

楊怡與老公謙謙當年因合作《On Call 36小時》撻着,故前來祝賀德哥時相當興奮,問到如何賀德哥?楊怡說:「今日嘅心意係慈善作用,因為佢都講到明酒水、禮物,乜都唔好買喇,人情方面做幾多都冇所謂,都係作慈善用途。」提到與德哥合作的難忘事,謙謙說:「《On Call》攞咗好多獎,又可以贏埋老婆,幾着數呀!」問到有否送禮物給媒人德哥?謙謙稱視對方為契爺,而楊怡搭嘴說:「老竇嚟㗎!叫咗幾十年。」謙謙再補充:「佢最鍾意畀好多機會新人,畀咗好角色我哋,令我哋發展比較順利。」而楊怡說:「係,呢個係事實嚟,因為我喺訓練班出嚟之後,好多角色都係德哥嘅劇嗰度嚟,佢真係好提攜新人。」

造人要時間

問到二人與德哥合作哪一套劇最難忘?謙謙稱是《On Call》,楊怡同意,但又表示:「呢個係人生永不磨滅嘅事實,但拍德哥嘅劇,我最有印象都係《再生緣》,因為係啱啱出嚟嘅角色,亦係去內地拍,係一套好開心、好多回憶嘅劇集,所以呢套係好難忘。」問到造人大計時,二人笑說需要時間,不要給予壓力。
採訪、攝影:黃曉妍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載