› 選擇地區
三藩市
紐約
洛杉磯
其他美國地區
香港 台灣 北美
 
2018年10月22日

【add名人時尚】
新婚億萬人妻珠光鑽光耀馬場
何艷娟公開上流生活

何艷娟昨日一身珠光寶氣闊太look現身馬場,但拒絕受訪。

何艷娟、胡定欣、龐卓欣、貝安琪及未婚夫Simon等昨日在馬場出席活動。昨日27歲生日、在《宮心計2深宮計》做大配角的前港姐何艷娟,今年驚爆和66歲澳博高層吳志誠譜出爺孫戀兼結婚,兩人雖然年紀相差四十年,但拍拖四年後,修成正果。久未露面的何艷娟昨日一身珠光寶氣現身,升格億萬人妻的吳太,戴上珍珠耳環、鑽石手鐲及名牌手袋、高跟鞋,見到記者顯得相當避忌,支吾以對後未有受訪拍照後就走人。

龐卓欣煲湯

有指何艷娟今年8月已和吳志誠低調簽紙,成為夫妻,但兩人沒大肆慶祝及擺酒。身價今非昔比的何艷娟,也由往日配角升呢,Ig上全是闊太上流生活實況,閒時看百萬名錶、出席拍賣會晚宴、藝術展,出入名店、周遊列國等。至於66歲吳志誠為澳博高層,據報有2.66%澳博股份,身家以十億元計,為澳門賭業猛人,但自太太二十年前離世後,一直未有再娶。

同場的15年港姐亞軍龐卓欣單拖到場,身邊不見其男友、鐘錶大王孫秉樞長孫孫智威,她說:「佢打籃球受傷,右腳十字韌帶斷咗,要做微創手術。我唔畀佢再打波,佢都應承咗我唔打,唔想佢斷腳。」是否全力照顧男友?龐卓欣說:「我都有煲吓湯、整吓早餐。」

開音樂中心

二人拍拖五年,問到何時正式做人妻?龐卓欣說:「兩個人拍拖好耐,但𠵱家都仲係好細,我二十六歲、佢二十八歲,都係搵多啲錢先啦,屋企人已經cut off咗我財政支援,𠵱家我都應該靠自己,主要做YouTuber及教音樂,都有十七個學生,慢慢嚟,希望三十歲前可以開到間音樂中心,同埋買到樓做業主兼結埋婚。」
採訪:羅慧敏
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載