› 選擇地區
三藩市
紐約
洛杉磯
其他美國地區
香港 台灣 北美
 
2018年10月22日

徐小明讚岳華動作靚拒替身

徐小明指岳華由電影到電視年代,都堅持親身拍動作場面。資料圖片

徐小明在邵氏及麗的都有跟岳華合作,昨日在電話訪問中憶起二人相識經過:「識岳華哥時係喺邵氏片場,我做緊武師,佢係當紅小生。」

徐小明目睹岳華在電影及電視年代的變化,指他堅持親自拍攝動作場面:「以前邵氏訓練班有導師去教,佢不斷請教去練,拍戲時一個長鏡頭二、三十招,佢記性好好,好少話做唔到。岳華哥後期連威吔都要自己吊,彈床動作唔係十分之刁鑽,佢都親自上馬,動作好漂亮。」雖然拍劇較拍電影辛苦,但岳華很快便適應,徐小明說:「佢拍電視好大篇對白,十頁、八頁紙咁,一樣駕馭自如。」

相關新聞:【影視雙收】《大醉俠》封代表作

當年兩人在麗的合作拍《大地恩情》,打破無綫慣性收視,徐小明表示有賴岳華花了不少工夫,才令劇集有好成績。他說:「佢係一個好關心同事嘅人,呢個戲咁大,咁艱辛嘅期間,佢唔係淨做演員角色,演員同導演溝通方面都做咗好多工作,佢做事好認真,我覺得走咗個咁好朋友都好難過。」
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載