› 選擇地區
三藩市
紐約
洛杉磯
其他美國地區
香港 台灣 北美
 
2018年10月25日

【娛樂人物】「係梁家樹個女壓力更大 」
梁靖琪求變自救

梁靖琪(Toby)背負父親為無綫前高層梁家樹的壓力,經歷過一段失敗婚姻。從前她會歸咎於鬼妹仔性格,令好事變壞事。由被人鬧又肥又醜,到不堪入耳的留言,她已經麻木,以為已成定局。改變從踏出無綫大門開始,近日她演出網劇時少了浮誇,多了一份驚喜的踏實,她自言蛻變源於「自己都唔救自己,冇人可以救到我」。
撰文:何慧斯
攝影:沈健程

以往在搜尋器只要輸入「梁靖琪」或者「Toby」,見得最多的是緋聞及負面新聞,不少評論都是揶揄她父親是前無綫高層梁家樹,無論演技有多差、如何沒有觀眾緣,都不會影響她演出機會云云,情況維持到Toby前年離開無綫。

相關新聞:隱藏真我保護另一半

冇晒自信心

現年35歲的Toby早前在尖沙嘴接受本報訪問,在網劇《蝕日風暴》中她最大蛻變是多了一份踏實,她說:「我以前成日話唔會俾呢行改變到我,我就係我,但係原來唔係話自己覺得OK就得,事實係有好多人睇到第一眼就會有好多批評。嗰陣俾人鬧到冇感覺,話你醜、話你肥已經好小事,其他鬧嗰啲係唔出得街,冇一套劇係唔會冇人話,就算係唔係真嘅緋聞都俾人話,話到都唔知自己做緊啲乜嘢,冇晒自信心、冇晒方向。」

Toby表示當時非常不開心,更負氣的跟朋友說「自己已經返唔到轉頭」,一世被睇死,但世事無絕對,她說:「我都有問過自己仲做唔做呢行,反正我都唔討好,不過人係要有轉變,由唔敢聽到去聽啲批評,覺得係要長大,係咪某啲嘢俾人誤會?又或者係好多以前嘅嘢扣咗分?可能真係喎,試過有人話唔好再話係一個鬼妹仔,呢個唔係藉口,原來係呢種性格累事,令到成件事變得唔討好,咁真係要去改,如果連我自己都唔救自己,冇人可以救到我。」

放低一啲嘢

結果Toby離開無綫,希望給一個尋找自己的機會:「我開始去健身,去做wedding planner,開始改變自己生活、思想同狀態,好感謝身邊人畀機會去重新睇我。人大咗,無論係事業或感情上令我轉變好多,更加識得處理某啲角色,最重要係冇咗『你係梁家樹個女』,要點樣點樣嘅負擔,真係冇咗,喺呢段時間,我放低咗一啲嘢,原來放開咗係咁舒服。」

問到可以放下的原因,Toby說:「講真,有邊個就算爸爸媽媽做呢一行都可以好犀利?其實壓力係更加大,我永遠都係梁家樹個女。」問爸爸可會開心見到她的轉變? 她笑說:「唔知呀,不過我相信任何父母都唔想見到仔女有負面新聞,聽到有人讚,爸爸會喺個心笑出嚟,有人認同自己個女喎!可能呢十幾年嚟冇人覺得我真係好喎,當唔好時候,做乜都唔好,到今日有少少認同,好感觸。」

髮型:Michael Lam of Beijing hair culture
化妝:Frances Ho
場地提供:My Day-My Seasons四季薈

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載