› 選擇地區
三藩市
紐約
洛杉磯
其他美國地區
香港 台灣 北美
 
2018年10月28日

伍倩彤四美迎萬聖節
何傲兒崔碧珈與屍同行

大後日是萬聖節,崔碧珈和何傲兒日前相約去荃灣體驗實境喪屍館挑戰膽量,唱作歌手劉卓軒就變身混入喪屍群,嚇兩位靚女。

認出劉卓軒

何傲兒和崔碧珈最初表現興奮,但正式開始後,何傲兒就試過驚到調頭走,之後兩人邊行邊尖叫,即使劉卓軒在兩人面前行來行去,她們都不察覺,最終她們憑劉卓軒的背面和掩面相,成功認出他,順利過關。

平時打開喪屍game的何傲兒說:「第一次見真人版喪屍,最驚係有一個位360度都有喪屍走出嚟,要同崔碧珈背對背企先有安全感。」崔碧珈就表示︰「有個位突然有個男人教我哋行先至驚,因為覺得佢冇咁好心,一定有啲嘢,點知真係有!」其實扮喪屍的劉卓軒比兩女更驚︰「等佢哋嗰陣好驚,因為得自己一個人,周圍又黑晒,如果見到真嘅喪屍或者鬼會好驚。」

見鬼要爆粗

除了挑戰喪屍館,扮鬼扮馬亦是應節方法,伍倩彤、麥芷誼、湯洛晴及伍熹賢日前就化鬼妝,分別扮小丑女、黑寡婦、神秘女公爵及南瓜妹,但略嫌恐怖不足,反而鬼火咁靚。

四位「鬼上身」的靚女,更大談靈異經歷。伍熹賢試過在內地工作時,半夜聽到有人敲水樽:「我唔敢睇,轉身就瞓。」伍倩彤亦試過住內地酒店時感覺有點不對勁:「間房好霉、好濕又好暗,最後都忍唔住換房。」麥芷誼表示赴泰工作前都會帶玉器及銅錢傍身,伍倩彤就會帶觀音肖像卡:「聽人話如果見到鬼,要對佢講粗口。」湯洛晴補充禁忌:「入房前要敲門同唔好打開聖經。」

採訪:鄉奈仁、盧妹
攝影:林賓尼、陳俊強
化妝 : Ryan、Monkey Wong Of BullyRoad
場地提供:BullyRoad

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載