› 選擇地區
三藩市
紐約
洛杉磯
其他美國地區
香港 台灣 北美
 
2018年11月02日

【馮仁昭四圍超】中美電影節揭盅
發哥李冰冰封帝后

李冰冰喺台上攞影后獎時多謝妹妹。互聯網圖片

周潤發憑《無雙》贏咗前日喺美國舉行嘅「第14屆中美電影節」最佳男主角獎,內地女星李冰冰就憑荷李活片《極悍巨鯊》(The Meg)封后,《極》片同時獲頒中美電影交流貢獻獎。

多謝郭富城

發哥以短訊講今次獲獎感受:「首先要多謝導演莊文強、監製黃斌,畀一個咁好角色我,從影以嚟未見過一個咁特別角色。非常之開心,多謝阿城(郭富城)演得咁好,因為呢個角色冇佢,我嘅演出冇咁好睇,一文一武相得益彰。好多謝中美電影節頒呢個最佳男主角獎畀我,亦都多謝觀眾一直以嚟愛戴同鼓勵。」

李冰冰上台領獎時,感謝妹妹幫手接拍《極》片:「這個獎項不只是對我個人的肯定,更是對一直致力於中美合作的國際合作的中國電影人的肯定。」最佳電影係林超賢執導嘅《紅海行動》,高志森獲年度最佳導演獎,姜武同徐露分別憑《俠路相逢》同《道高一丈》獲得最佳男、女配角。

至於年度金天使獎得獎電影就包括《無雙》、《戰神記》、《道高一丈》、《曹操與楊修》、《西虹市首富》、《幕後玩家》、《快把我哥帶走》、《我是醫生》、《非凡任務》同《影》。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載