› 選擇地區
三藩市
紐約
洛杉磯
其他美國地區
香港 台灣 北美
 
2018年11月11日

入行18年感激嘟姐子華
農夫Rap歌嗌老土

農夫前晚在旺角開騷,慶祝入行18年。

組合農夫前晚在旺角麥花臣場館舉行演唱會,觀眾入場時,二人已率先坐在台上等候,歡迎觀眾合照及提出問題。正式開騷後,農夫請到場睇騷的余德丞上台,陸永說:「佢暈完醒番,估唔到第一樣嘢係走去買飛,仲係畀錢買飛睇,你唔好怪我哋冇去探你喎!其實余德丞嘅古仔好感人,嗰個人當真係嚇我一跳,但佢醒番嗰吓即刻去買我哋飛,但嗰時我哋係未開賣㗎!」

自嘲曠世奇才

農夫分別感謝18年來幫過二人的人,首先是經理人DJ Tommy,陸永笑說:「18年前收養咗我哋,佢當時望住我哋個樣應該諗,呢兩個人有得做,呢啲曠世奇才樣一定興。」

第二位是鄭裕玲(嘟姐),C君說:「係人都知道佢鍾意鬧人,你哋實覺得佢成日鬧我哋,佢最多鬧垃圾。有次出trip,佢唔可以開夜,所以開工時好早,開早有機會瞓唔醒,但我哋唔可以遲到,就唔化妝唔梳頭衝落樓見嘟姐先,點知佢一見到我就話『剪吓你啲頭髮啦!成個乞兒咁。』我就答佢其實我已經剪咗。」陸永再爆嘟姐喜歡韓團防彈少年團(BTS):「有次佢想睇騷,但我拒絕咗唔睇,到某日之後,我睇到BTS表演,覺得幾好睇,嘟姐即刻話我『𠵱家你先嚟鍾意,你咁賤格嘅!』」

提到黃子華,農夫表示會花錢買飛睇:「有次有機會去慶功宴,食飽想走嘅一刻,子華叫我哋唔好走傾多陣,我同子華神講我咁鍾意聽你講嘢,但真係頂唔順要走。」至於曾是二人老闆的陳冠希,農夫說:「《O'FAMA》嘅碟令到我哋收到人生第一封律師信,件事關乎兩個團體嘅事,咁啱團體有醜聞,其中一個團體發律信,要求我哋將YouTube MV下架,我哋當然有下架。」

收麥玲玲利是

之後農夫與麥玲玲合唱《風生水起》,二人獲贈每封500元利是。農夫表示曾被同事要求多做商業歌:「有次派歌俾DJ話我哋咁老土仲rap,香港已經唔興,唔通佢睇到個施政報告就話『嘩!仲填海,咁老土。』」C君坦言想移民回到昔日的香港,因當時時光很美好。
採訪:王連連 
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載