蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月18日
馬上成為壹會員

老公操刀比堅尼相
香香夏威夷造人

陳豪笑稱在台灣拍外景吃得太多,現在要努力操弗。

陳豪、岑麗香昨日在尖沙嘴出席開幕活動,昨日是香香的34歲生日,雖然今年在工作中度過生日,不過她坦言是幸福事情:「今朝老公煮早餐畀我,之後同事上嚟我屋企為我準備,仲畀咗驚喜送咗蛋糕畀我。」香香還說:「夜晚會同老公慶祝,但係對我嚟講,夜晚睇吓電視,散吓步已經好開心,簡單就係幸福。」早前香香表示生日願望是希望去夏威夷,她笑說:「老公已經安排咗下個月去,到時可以影啲比堅尼相畀大家睇,不過係老公揸機,性感尺度等佢決定!」至於會否趁機會造人,香香說:「努力中,心態已準備好。」

陳豪剛從台灣拍完電視劇《殺手》返港,他表示拍戲期間遇到霹靂小隊到場了解,陳豪說:「喺香港拍戲嘅時候有打鬥戲,都會有衝鋒隊嚟了解,因為街上嘅人唔知發生咩事會報警,喺台灣拍攝做足申請,就算航拍都要申請,佢哋嘅霹靂小隊每人都有支AK47,我哋啲武師都見慣,警察嚟到佢哋都會匿埋晒。」

陳豪玩具槍送大仔

在台灣工作期間,老婆陳茵媺帶同仔女探班,逗留了一個星期,陳豪說:「做完嘢都會同佢哋去旅行,大仔生日話要玩具槍,雖然都準備咗畀佢,但係都好矛盾,因為買畀佢,佢會攞嚟射細佬妹。」
採訪、攝影:張俊銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載