蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月19日
馬上成為壹會員

開騷上癮明年主打 孫耀威冒死狂跳

孫耀威前晚承諾不會只記掛做生意,明年會再開騷。

孫耀威前晚在九展舉行尾場演唱會,獲鄭秀文、車婉婉、吳嘉麗、鄧健泓與太太石詠莉等前來捧場,孫耀威的太太陳美詩在完騷後出席慶功宴。

生意放埋一邊

在演唱會開始時,孫耀威熱情地與粉絲打招呼,他說:「你哋等咗咁多年,我終於開演唱會喇,今日臨出場前,監製叫我:『enjoy』,見番多年嘅舊同事同fans,好似大聚會咁。明年再開演唱會好唔好?放心,明年唔會搞生意,拍完戲會即返嚟,台灣同內地都開好唔好?」

入行25年終於一圓開演唱會夢的孫耀威表示:「多謝你哋等我25年,唱咗好多舊歌,唱歌時好多回憶,知你哋等呢個演唱會好耐。」當他唱到《我知道你在等我》及《永遠保護你》時,更兩度爆喊。

嘆紅館難申請

完騷後,孫耀威在後台接受訪問,被記者笑他是「喊包」,他表示大前晚嗰場已喊,因為見證粉絲二十多年支持,看着他們由結婚到生仔,共同成長。問到他會否最想在紅館開騷,孫耀威苦笑:「唔知呀,處於放棄狀態,因為太難book場喇,抽到當中獎。我都想喺台灣小巨蛋開騷,明年都有機會中標,台灣係我出道嘅地方,香港就係我嘅家,最想喺兩地開瘋癲party。其實二十幾分鐘又跳又唱係會死㗎,但見fans尖叫,我又腎上腺素上升。」

此外,孫耀威提到為了今次演唱會狂操,在台上除衫露出一雙麒麟臂,他表示:「以前一日三支可樂都要忍口唔飲,但fans就投訴露得太少,今晚太high喇,唔記得咗,之後會露多啲。」
採訪:王連連
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載