› 選擇地區
三藩市
紐約
洛杉磯
其他美國地區
香港 台灣 北美
 
2018年11月22日

阿徐叫女兒拍拖檢點

阿徐表示十年後抱孫的話,是福份來的。

徐濠縈昨日傍晚與周汶錡、倪晨曦和袁澧林等,到尖沙嘴出席活動,阿徐與陳奕迅(Eason)所生的14歲女兒陳康堤(包包)被拍得與一名「嫩版彭于晏」拍拖,兩人更十指緊扣,阿徐甫見記者已笑容滿臉,似有備而來,她說︰「噚日已經好多有心嘅朋友send咗畀我睇,我冇嚇親,因為一早知,估唔到傳媒咁快收到風,仲全程影晒。」

見過男方

阿徐透露包包看完新聞,有點擔心男友,因為未知男友家長反應,阿徐又謂已見過個男仔,但Eason就未見過:「不過都唔擔心,睇Eason就知佢開放,呢個年紀都可以拍拖喇。」問阿徐對女兒男友的評價,她尷尬說:「要我講人哋,佢都靚仔㗎,我同阿女都好有眼光,最緊要大家開心,希望大家高抬貴手,因為佢哋小朋友唔識,都有叫個女喺公眾場合檢點啲。」提到十年後抱孫,她說︰「吓,原來要諗呢啲㗎嘞?唔知呀,不過呢個係福份嚟。」同場的周汶錡談到囝囝,侃侃而談,又指本來打算聖誕帶兒子去外地游水,可惜訂不到機票,惟有押後旅程。
採訪︰馬建華
攝影︰沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載