蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月06日

【電影人物】鄭嘉穎周秀娜默契

9,557

鄭嘉穎入行25年,由歌手轉戰影視界,多年來合作對手無數,跟拍檔有良好交流,可以增進彼此感情,從而提升表演層面。深明此道的嘉穎卻原來最不擅與人交流,當他第一次遇到楊紫瓊(Michelle)時已深受打擊,另一位與他越來越有默契的拍檔周秀娜則有幸目睹整個過程,形容嘉穎「一路都唔忿氣」。

鄭嘉穎和周秀娜先後合作過四部影視作品,最近就有新片《葉問外傳︰張天志》,練出一定默契。二人日前在新蒲崗接受本報專訪,即場來個案件重演,嘉穎和楊紫瓊在新戲中演姊弟,因為是首度合作,所以嘉穎主動出擊不斷找話題,但卻處處碰壁。

一路都唔忿氣

娜姐扮楊紫瓊重演當時的情況,嘉穎首先說︰「Michelle你近排忙啲乜?」娜姐扮楊紫瓊說︰「冇乜忙,拍緊《Star Wars》。」嘉穎再說︰「《Star Wars》我都有睇。你係馬來西亞拿督,同香港MBE勳銜有乜分別?Michelle就話『冇㗎!做生意方便啲,不過我又唔係做生意。』我又接唔到,跟住再問Michelle通常住邊,香港定馬來西亞?」此時,娜姐接上︰「巴黎啦!有時喺比利時或瑞士。」嘉穎坦言再講多幾句便死心放棄了,娜姐笑指嘉穎:「一路都唔忿氣。」

拍戲差點窒息

反而娜姐和嘉穎就越來越有默契,即使角色是演敵對關係,拍戲時差點令娜姐窒息,甚至接近死亡邊緣,仍然信任彼此。談到娜姐被嘉穎打的戲份是親身上陣,嘉穎說︰「摑就係,踢就唔係,踢係替身,唔係佢死咗,今日見唔到佢。打完佢我個心都慌一慌,驚佢有事,塊面都腫起要敷冰。」娜姐不禁說︰「當時係有啲想喊,不過忍住。」

撰文︰羅婉玲
攝影︰沈健程
場地提供:Studio King影樓王

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載