› 選擇地區
三藩市
紐約
洛杉磯
其他美國地區
香港 台灣 北美
 
2018年12月06日

紅館騷群星拱照
家燕三仔女獻花眼濕濕

謝天華前晚與家燕姐大跳辣身舞,落台前更抱起對方。

薛家燕一連兩場「愛你無限60年演唱會」前晚在紅館揭開序幕,圈中廣結人緣的家燕姐,台上台下都有不少好友捧場。打頭陣嘉賓是胡楓、黎小田和陳欣健,三人皆笑指以前想追家燕姐,並着她在當中選老公、情人和朋友,家燕姐笑說:「老公梗係揀修哥啦!夠晒長情,情人當然係陳欣健,有型又溫柔,至於黎小田,我哋都係做朋友啦!」

芳芳等百年騷

其他嘉賓陸續登場,有專程由北京返港的羅嘉良,之後到林保怡出場,再來與謝天華大跳辣身舞,天華於尾段時更抱起家燕姐,觀眾不斷拍掌歡呼。胡琳、王梓軒則和家燕姐的藝術中心一班小朋友同台表演。古巨基現身時,要求摸家燕姐額上的招牌癦,摸了三遍的基仔,最後表示滿足,接着二人手拖手到台邊和觀眾握手。

雖然蕭芳芳和馮寶寶缺席,但七公主的馮素波、沈芝華、陳寶珠及王愛明就擔任嘉賓撐家燕姐,當家燕姐再三感謝時,馮素波豪爽地說:「得啦家燕,唔使咁長氣,我哋幾個加埋幾百歲。」現場播出蕭芳芳錄音聲帶:「希望到你入行100年再開騷同早日嫁出去。」姊妹們即時反對:「你年頭娶新抱,年尾又開騷,畀我哋抖吓先,你遲啲先嫁啦!」

家人是推動力

接近尾聲時,家燕姐三名子女上台獻花,並送上一曲《You Raise Me Up》,家燕姐熱淚盈眶說:「真係好感動,細個時人哋話佢哋三個係包袱,連黎小田都係咁講,但我覺得佢哋係我嘅推動力,令我用盡力去養大佢哋,有人問我做嘢做到每日瞓得四個鐘攰唔攰,我話我係唔可以攰。」壓軸嘉賓是王祖藍、阮兆祥和李思捷,三人合唱《熱情的沙漠》,再聯同家燕姐教現場觀眾跳十字步,為演出畫上句號。
採訪:曹家誠
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載