蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月07日

【add名人時尚】名模姊妹撇低子女撐場
琦琦感激暖在心

6,863
琦琦表示會將最新設計的守護天使首飾送給女兒作聖誕禮物。

琦琦昨日為自家珠寶品牌成立一周年,在銅鑼灣舉行派對,眾靚媽模特兒好姊妹馬詩慧、周汶錡、熊黛林(Lynn)、歐陽妙芝與汪詩詩等前來撐場。琦琦自言為派對緊張失眠,老公任達華要趕戲較晚時間才到,她說:「呢幾日佢同導演講遷就時間,所以每日朝早5點出去,夜晚成1點先返,係好老公。」提到獲眾好姊妹齊人撐場,琦琦笑言對百分之百出席率十分感動:「我同老公講感動到流眼淚,係個好warm(溫暖)聖誕,對於我一個初出道嘅設計師,係好有鼓勵。」

不捨搞到遲到

Lynn暫時放下七個月大孖女現身祝賀,她不時都在社交平台分享囡囡趣事,她指孖女近日已學識bye bye,令她每逢出門口都有依依不捨感覺,近日更出現遲到情況,她說:「盡量將工作安排喺孖女午睡時間,令自己盡量陪佢哋,例如之後返內地工作,會早機去晚返,到𠵱家只離開過佢哋兩日。」問到將來拍戲拍劇怎樣處理,她說:「都有傾緊,以前最耐出去拍三、四個月,𠵱家就唔可以,老公冇反對我工作,只擔心佢又工作又照顧孖女會辛苦,但自己唔希望錯過佢哋成長任何時刻。」

夥女兒拍廣告

再問有廣告商找孖女拍廣告,Lynn說:「經理人提議過我同佢哋影硬照,不過佢哋仲細未控制到。我唔抗拒佢哋拍廣告,都想佢哋了解媽咪工作環境,知道媽咪工作辛苦。」

採訪:馬建華
攝影:陳慧安

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載