› 選擇地區
三藩市
紐約
洛杉磯
其他美國地區
香港 台灣 北美
 
2018年12月13日

【娛樂人物】彭浩翔 鄒凱光 劉翁
靚仔同笑話

(左起)鄒凱光、彭浩翔和劉翁的棟篤笑添食,彭浩翔笑言希望女觀眾多了解他的內心。

彭浩翔、鄒凱光(灘叔)和劉翁下月將合奏「潮潮的吹」第二集,彭浩翔自言是睇黃子華的棟篤笑長大,己任是有朝一日在台上棟個夠,目前任務已經完成一半,他希望女觀眾多了解他的內心世界:「好多世俗人覺得靚仔唔識講笑話,其實係唔靚仔都唔係好識得講笑話。」

彭浩翔、鄒凱光和劉翁早前在演藝學院,完成兩場「翔揸劉灘之潮潮的吹」棟篤笑後,下月將在旺角麥花臣添食,座位亦多出一倍。三人早前在九龍灣接受本報訪問,彭浩翔表示去到旺角這片英雄地,粗口當然一句都不能少:「希望我嘅女性觀眾,唔好淨係專注喺我外表上面,要明白我,多啲了解我內心,好多世俗人覺得靚仔唔識講笑話,其實係唔靚仔都唔係好識得講笑話。」

有交流好玩

對於觀眾數目增加一倍,他們認為不是問題,彭浩翔說:「其實主辦方話不如直接轉去紅館,我哋話唔好住,我哋最終目標係大西洋城。可能到時踩場至會驚。棟篤笑比拍戲需要投入更多精神,壓力亦大啲,拍戲去到現場唔使點準備,寫好劇本就去,棟篤笑係上台前嗰秒都仲緊張,棟篤笑喺現場同觀眾有交流係好好玩,刺激亦大好多。」

拒挑戰子華

轉戰旺角,灘叔會講更貼地的議題:「雖然話係重演,但轉咗場地,人數、氣氛各樣嘢都唔同,微調修改,改改吓都會改晒,當新騷咁做。」他自言跟黃子華和農夫的客路不同,亦沒有想過挑戰他們:「做騷都係想觀眾開心,大家唔同客路,我班女唔同農夫班女。」

劉翁經過第一次演出後,希望之後每年可以舉行一次,讓巿場有更多不同的選擇,他說:「我哋又唔係低俗,我哋到肉得嚟好生活化,我講個仔嘅時候好真情,但都俾人感覺鹹濕,真係好奇怪。」
化妝:Macy Chan
撰文:張俊銘
攝影:陳俊強
場地提供:九龍灣國際展貿中心

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載