蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月13日
馬上成為壹會員

陳凱琳BB旺財 享受身材變大

身形一向瘦削的陳凱琳,懷孕後增重十磅,連上圍也變得有睇頭。

韓星朴信惠、陳凱琳、倪晨曦及陳柏宇太太符曉薇昨日出席尖沙嘴聖誕活動,正在陀B的陳凱琳,穿上吊帶裙到場,上圍明顯變得有睇頭,但她驚聞剛誕下女兒的符曉薇餵人奶後上圍勁升cup,表示要向對方請教谷奶之道。

符曉薇升8 Cup

上月宣佈懷孕的陳凱琳,身材明顯豐滿不少,她透露看着身材有不少變化,感覺很得意,又指重了十磅,但不確定上圍有沒有升cup。對於符曉薇產後上圍升cup不少,陳凱琳驚訝說:「等我問吓佢先,我應該冇咁嘅福份,都好嘅,因為陀BB時飲食營養好,我自己都希望餵人奶,因為對BB好。」

陳凱琳自懷孕後工作量大增,證明BB很旺她,她笑說:「好開心,老公話我可以分擔搵奶粉錢嘅壓力,佢成日提我活動完後一定要着番平底鞋,𠵱家每次到活動場地都要向佢報到,暫時只會留喺香港工作。」

符曉薇產後首次現身活動,她透露因為餵人奶關係,胸部大得誇張:「𠵱家好討厭自己個胸,最近去買bra,至發現變咗JJ cup,比之前C cup升咗8 cup,連sales都話好誇張。𠵱家終於明白媽媽辛苦,接受咗身形變化,見到BB健康就開心。」

朴信惠講新劇

朴信惠穿上粉藍色露肩連身裙現身,先以廣東話向大家打招呼:「大家好!我係朴信惠。」之後她透過繙譯表示來港感受到濃濃的聖誕氣氛,又指很想飲茶食點心及雲吞麵。朴信惠透露聖誕期間要補拍韓劇《阿爾罕布拉宮的回憶》,提到新劇收視高,她說:「今次電視劇是新題材,初初會覺得複雜,但發現是新挑戰,未來作品都希望有新嘗試。」
採訪:羅慧敏
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載