› 選擇地區
三藩市
紐約
洛杉磯
其他美國地區
香港 台灣 北美
 
2018年12月14日

【add名人時尚】林愷鈴尋覓初戀

18歲的林愷鈴仍未拍過拖,笑言自己好慘。

時尚界新寵林愷鈴(Ashley)挾着龔慈恩女兒之名進軍娛樂圈,邊上學邊探索圈中生活。今年18歲的她還未嚐過初戀滋味,但她並不抗拒拍拖,希望找到一個有才華兼幽默的男士,能夠一擊即中找到最愛,白頭到老。
撰文:羅慧敏
攝影:葉君海

林愷鈴自從今年升讀港大建築系後,要同時兼顧娛樂圈工作,更密密接job,無論品牌開幕、MV女主角、電影、廣告代言,都見到這位星二代的蹤影,Ashley都享受其中。

早前Ashley在柴灣影樓拍攝化妝品牌短片,大晒18歲青春無敵加遺傳媽咪龔慈恩的靚樣,而向來都想做歌手的Ashley更為廣告創作了一首主題曲《Perfect the way I am》,帶出自信和自主精神,感覺舒服自然。

鍾情幽默才子

18歲都未拍過拖,Ashley坦言期待緣份到來,她說:「拍拖同友情、親情一樣,係雙方要經營嘅關係,如果我冇時間,不如處理咗手頭上嘅嘢先,有時間付出多啲,咁會好啲。」看來她是好容易投放所有感情的人,對此她說:「梗係希望第一次就白頭到老㗎啦!媽咪喺感情生活上教我要雙方付出、體諒、要平衡,所有關係都係咁樣。」談到擇偶條件,她表示沒有rules,高大靚仔並非最緊要,她說:「我比較欣賞有才華同幽默感嘅男仔。」

化妝提升自信

其實Ashley平日都喜歡素顏,16歲先開始慢慢學化妝,她笑言有個資深藝人媽咪經常跟她分享心得,絕對沒有投錯胎。Ashley說:「入咗大學都想靚啲,鍾意化自然嘅妝,媽咪喺呢行咁多年,佢畀得我用都係最好嘅,不過化妝嘅家傳秘訣就唔講畀大家知。我覺得用手上粉底最好,用手嘅熱力加埋落去,出嚟效果會滑啲。」

問Ashley化妝後會唔會特別多男仔追求?她說:「化妝係將本身靚嘅地方再提升,我感覺唔到特別多咗男仔追。自己化完妝會開心啲、有信心啲,中學時大家都好認真讀書,入咗大學暫時都未識到,自己未拍過拖,我覺得自己好慘呀!」

媽咪龔慈恩代理財

Ashley畢業於聖保羅男女中學,國際預科文憑(IB)考獲41分,正就讀港大建築系一年級,加上樣子標致,琴棋書畫瓣瓣掂,比起其他星二代起步得快,難怪她都說自己投對胎。

其實龔慈恩百分百支持囡囡入行,對於囡囡的任何選擇都永冇say no。Ashley有自己的思想,現階段正處於摸索期,真正目標想成為歌手。因為媽咪拍戲出身的關係,Ashley都會經常探班順便偷師,母女感情好到不得了。提到現在有不少收入,Ashley說:「我嘅時間管理同理財都係麻麻哋,成日都好大頭蝦,所以金錢上係由媽咪處理,佢點處理就唔知,不過我好信任佢,到𠵱家我都係問媽咪攞零用錢。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載