› 選擇地區
三藩市
紐約
洛杉磯
其他美國地區
香港 台灣 北美
 
2018年12月14日

群情洶湧力谷做叱咤男歌手
古天樂開金口 唱畀容祖兒聽

古天樂先拔頭籌奪得亞洲人氣演員獎。

古天樂、林峯、謝安琪和張敬軒等前晚在尖沙嘴出席「Yahoo搜尋人氣大獎2018」,古仔獲得亞洲人氣演員獎,問他可期望得到音樂上的獎項?他說:「唔諗呢啲,都唔係自己做開嘅嘢。」問如果屆時有獎,會上台領獎嗎?他說:「今年時間好緊密,聖誕都冇假放,元旦就安排中。」會否上台開金口?他說:「諗吓先啦!」

對於不少歌手如容祖兒都說要投票給他爭叱咤我最喜愛的男歌手獎,古仔謂:「多謝囉!我都會同佢食飯嘅,到時就獻唱一曲畀佢聽啦。」換句話說他平日有練歌?古仔說:「都有去唱卡拉OK,不過我唔係好唱自己啲歌,但係佢哋好鍾意點。」可能大家都想聽古仔唱歌,古仔即幽默地說:「撳伴唱咪得囉!」

林峯冇期結婚

林峯前晚奪得熱搜藝人獎,網民都關心他跟內地女友張馨月的戀情,林峯說:「香港嘅傳媒朋友好勁,連我去邊旅行都知。因為之前拍咗四部影視作品,所以有空檔就同身邊嘅人輕鬆吓。」是否帶女友見家長?林峯避談:「總之私人嘢影到我,我就會認,唔會主動分享,總之我嘅生活好開心。」可有結婚計劃?林峯說:「冇期啊,度一度先,男人都係以事業為先。」

軒仔險勝姜濤

軒仔前晚奪得本地男歌手、年度熱搜歌曲、人氣票王及最具號召力香港男藝人四獎,對於被指跟ViuTV節目《全民造星》彈出的姜濤爭人氣票王獎,最終軒仔勝出,他說:「險勝啫,可能佢啲fans敬老。」又指二人有打招呼,他說:「佢話好緊張,佢唔知道我見到佢仲緊張。」

此外,謝安琪昨日和麥浚龍(Juno)到商台宣傳新碟,對於全城推古天樂攞叱咤男歌手,謝安琪為他感到開心:「證明佢喺唔同界別好受歡迎。」那麼會否在音樂計劃part 2中增加古仔的「戲份」?Kay笑謂:「可能我哋急病死咗,跟住成隻碟得番佢一個。」
採訪:羅慧敏、盧妹
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載