› 選擇地區
三藩市
紐約
洛杉磯
其他美國地區
香港 台灣 北美
 
2018年12月15日

【娛樂人物】鄭伊健 老公歲月

現年51歲、入行超過30年的鄭伊健,在不少樂迷心目中是集體回憶中不可分割的一部份,電影上古惑仔的形象深入民心,音樂方面,他的歌曲陪伴大家走過愛情歲月,假如要選出那首歌可以代表自己的愛情歲月,伊健不諱言會選擇《吻感》:「真真假假,假假真真太複雜,每個時段都有一個回憶,我覺得呢隻歌好啱藝人。」
撰文:余燕儀
攝影:仇志德

相關新聞:唱功被彈 後天惡補

鄭伊健相隔六年、明年再於紅館開騷,在音樂上,伊健的情歌觸動了不少人的心靈,歸根究柢,或多或少與伊健的精采愛情世界有關,從黎芷珊、邵美琪、梁詠琪(GiGi),經歷過轟動一時的「奪麵雙琪」,最後情歸蒙嘉慧譜出「蒙麵戀」,為了支持老公的演唱會,蒙嘉慧靜悄悄拍短片打氣,伊健說:「開心,佢拍唔拍我都開心,感情好穩定先可以做好工作,我哋鍾意嘅嘢好接近,平時一齊玩大家鍾意嘅嗜好,但到認真工作時就會靜止,畀我可以專心工作,咁樣已經係最好,可以集中去做好一件事。」

面對奪麵事件

當年伊健與GiGi因合作演音樂劇撻着,在伊健32歲生日,GiGi被影到在西貢伊健屋企慶祝,引發「奪麵雙琪」事件,前年蒙嘉慧接受有線訪問,坦言伊健一度在這陰霾籠罩下,有幾年的生日不敢外出,直到有一年蒙嘉慧不甘心,拉伊健由後門離家慶祝。提起這件事,伊健淡然笑說:「有幾年,一生日,我哋鍾意玩挑戰,屋企有後門,我哋走時見到傳媒喺前面等,好有趣,呢件事只係我同佢先知,我哋上咗巴士,返到屋企佢哋都唔知,幾浪漫。」

如今大家都各自找到幸福,伊健坦然面對舊事:「過咗一段時間,都要面對,呢個係你嘅選擇,亦都係人生嚟,當然啦,你問當日嘅情況,我都唔識處理,但以前都係一個話題,咁都過咗,𠵱家比較成熟、穩定,我會面對番以前嘅嘢,發生過就係發生過,有啲嘢過咗,先搵到自己,同埋要面對。」

感激朋友夥伴

事實上在人生要找到志同道合的人,似乎是一件不容易的事,幸好伊健是一個幸運的人,在感情路上,有太太蒙嘉慧攜手相伴;在工作路上,伊健亦有不少親密戰友,他說:「有好多要感激嘅人,自己一開始就喺電視台,當日肯畀機會簽我嘅人好緊要,就係馮美基,電影係劉偉強,另外仲有戰友林珊珊、陳光榮、羅文同朱祖兒。」即使現在名成利就,伊健亦幫助後輩,早前黎諾懿在電台節目自爆於最霉的時候,伊健會叫他到家中揀衫。提起此事伊健說:「我覺得佢係得嘅,有啲嘢唔好嘥錢啦,衫係要嚟着,既然佢唔介意,我希望佢着好啲。我哋拍《隨時候命》認識,佢又孝順,雖然呢個圈幾複雜,但可以選擇簡單溝通方法。」
化妝:WiLL Wong
髮型:John Chung@Barbieri Privata
場地提供:南海小館@海洋公園萬豪酒店

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載