› 選擇地區
三藩市
紐約
洛杉磯
其他美國地區
香港 台灣 北美
 
2018年12月16日

過來人情願同屋企住
龐景峰勸卓林:交租好辛苦

龐景峰勸卓林應去返學。

關之琳(之之)、林憶蓮、龐景峰和女友Peggy、上山詩鈉及女兒Hilary等前晚到中環出席髮型師好友Kim Robinson的髮型屋活動,林憶蓮驚爆引退後首次露面,但她前晚禮貌婉拒傳媒訪問。

返學最重要

龐景峰被問到卓林與Andi遭賓館追租,因身上得20元要向母親吳綺莉求救,他表示太忙沒有留意新聞:「我覺得佢返嚟香港就知道做啲乜嘢,之前佢結咗婚我都有恭喜,我都係覺得19歲會唔會早咗啲,因為爸爸媽媽咁早生我,我就知道唔係咁好。」

問龐景峰可會經濟支持卓林,他說:「呢啲留番畀佢親人幫,如果有需要打電話畀我,我會睇吓情況。人生嘅階段會做錯好多嘢,喺17歲至20歲嘅時候,我係錯得最多,𠵱家佢19歲,我覺得返學係最重要,畢咗業之後為未來鋪路。有啲朋友會問我點解到𠵱家仲同父母一齊住,係因為我想慳番啲租。」

之之怕甩髮

可會勸卓林跟媽咪同住?龐景峰卻說:「每個人都有屋企嘅規矩,佢係我朋友,唔可以有任何嘅意見,香港嘅經濟好困難,交租真係好辛苦。」

之之表示十幾歲開始已是Kim捧場客,多年以來都由對方負責剪髮:「佢最叻幫我剪晒啲頭髮,因為長髮嘅時候冇乜嘢畀佢整,我同佢講唔鍾意長髮嘅時候,佢就幫我剪晒佢,我啲頭髮好快長,一個月會長一吋,佢好快可以幫我轉到髮型,我好放心,用佢嘅產品亦唔會敏感,我𠵱家乜嘢都要健康,健康最緊要。」問到可怕出白頭髮?之之笑言:「係人都驚,但甩頭髮仲驚,不過我冇乜壓力,食得、瞓得,冇乜事。」
採訪:羅慧敏
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載