› 選擇地區
三藩市
紐約
洛杉磯
其他美國地區
香港 台灣 北美
 
2018年12月16日

法國學廚人生考驗

毛舜筠去年修畢藍帶廚藝課程。互聯網圖片

毛舜筠去年在法國藍帶畢業,她笑言學成後對飲食的要求更高:「返唔到轉頭。」問毛姐在藍帶的求學過程,她表示:「如果話畀大家知去法國讀廚藝,哎呀,好浪漫呀,好優雅呀!當初朋友問我有冇諗過去法國藍帶學煮餸?我話好喎,朋友最衰講咗另外一句:『其實毛姐你唔使學,教都得!』呢句慘啦,我以為自己好勁,點知去到發覺係廚師訓練學校,每一個都準備做廚師,所以非常之嚴格。」

煮得一桌撚手小菜的毛姐,在法國卻由零開始:「香港嘅太太或女士最幸福,我哋請到菲律賓姐姐幫手,行埋去兜兩兜就食得,去街市買魚劏埋畀你,你買雞,佢又係劏晒畀你。喺法國學藍帶嘅過程係由零開始,魚要刮鱗、劏開攞內臟、起皮起骨,雞又要燒毛、綁番去焗,咁繁複過程裏面,每分鐘都要乾淨,一把用過或未用過嘅刀,你擺喺砧板上面,佢都會喝你要你移走,見到嘅地方都乾淨,明明係丟垃圾嘅垃圾桶,佢都要見到冇垃圾。」

相關新聞:【蘋聞重溫】拒絕張國榮求婚

完美主義者

上堂學烹飪、讀理論,加上課堂法文、英文雙語並行,毛姐說:「如果讀之前了解咗係咁,我一定唔會去讀,太辛苦,但種種原因,結果三個課程讀晒,再回頭望一望,係人生好大考驗,但如果問我呢個年紀再嚟過,我一定唔制,平時我係一個好好記性嘅人,無奈年紀大咗真係差咗,我又要做到最好喎,所以好辛苦,畢業時我瘦咗10磅。因為每樣好認真,有冇聽過九型人格,同我相處過嘅人,都話我係1仔,完美主義,所以我好辛苦。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載