› 選擇地區
三藩市
紐約
洛杉磯
其他美國地區
香港 台灣 北美
 
2018年12月16日

定立價值觀 城城首要女兒置業

郭富城昨日出席聖誕活動,他除了領唱聖誕歌,又教導小朋友要有儲蓄習慣。攝影:林賓尼

郭富城一連兩日現身,昨日在尖沙嘴出席聖誕活動的城城,除了唱聖誕歌,他更唱《強》鼓勵大家。活動教導小朋友儲蓄,城城表示有幫囡囡儲起利是,又指會教導囡囡正確價值觀:「就算有能力都唔會為佢買好多名牌衫,大啲就教佢理財,到佢有能力要買咗住嘅地方先。」

趁聖誕與家人外出

聖誕節城城有兩日休息,由於囡囡已識行,所以他打算低調打扮帶家人外出感受氣氛。他透露已在家居佈置聖誕樹,問到囡囡是否懂得向他討禮物?城城冧爆地說:「未識,但佢拎住嘢食會餵我,好sweet㗎。」之前曾傳太太方媛再懷孕,城城未有正面回應:「我同太太及家人都想阿女多個伴,男或女都好,等個天安排。」是否要到新年才可以公佈?他笑說:「咁你哋要留意我太太個肚。」

前日城城出席第三屆澳門國際影展暨頒獎禮閉幕禮,宣傳新片《麥路人》。戲中城城飾演金融才俊,因為投資失利入獄,後來與同是流落快餐店的楊千嬅互相扶持。城城說:「千嬅角色經歷人生低潮,患上絕症,我同佢互相扶持,有一段感情但冇親熱戲。」

安仔叫張衞健讓路

同場許志安對於好兄弟張衞健想攞視帝,安仔唱反調:「佢不嬲係我心目中嘅視帝,留畀新一代玩吓!唔好霸住個視壇,我有支持佢,嗰套馬騮精嘛!」
採訪:王連連(香港)、曾小嘉(澳門)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載