› 選擇地區
三藩市
紐約
洛杉磯
其他美國地區
香港 台灣 北美
 
2018年12月18日

【娛樂人物】鍾舒漫一齊曳曳

鍾舒漫對事業起跌不太介意,因有些事不到自己可以控制。

鍾舒漫以舞曲起家,為配合個人演唱會,年初至今接連推出多首快歌,她直言:「入行時第一首歌都係跳唱歌,想有貫穿感覺,首歌內容係叫人嚟開party,香港人睇演唱會好冷靜,外國同內地啲人都會企起身,香港偏內斂,所以專登推首歌叫大家唔使咁乖,有句歌詞「曳啲曳啲,唔係好知」,大家可以郁吓唔好坐喺度。」

信念中有時序

由第一首歌至今,Sherman轉眼已入行十一個年頭,她形容「眨下眼過去」,不同的是內心的歷練,簡單一句「問心無愧」可謂語重深長。回想入行第三年獲得最好成績及迴響,Sherman一首《給自己的信》帶來獎項同殊榮,可惜有點後勁不繼,她說:「細個啲都會諗係咪冇食住個勢,後繼、宣傳做得唔夠好,但一路成長冇咗呢個諗法,我信念中有佢timing,嗰時出現嘅事,為我成長係啱啱好,人哋睇到我跌咗食唔到個勢,呢啲都唔係我可控制到,冇得返轉頭去怪,何必介意。」言談間感受到她被時間啄磨出一份成熟。

父母憂嫁唔出

至於感情生活,Sherman仍等待緣份出現,她自言:「隨遇而安,有個心態the one一定喺左近,唔會好耐先出現,我open態度,反而我媽媽心急啲,之前我去英國,會去教會分享,出發時叫我去到當地識男仔,結識人溝通吓,從來未聽過爸爸媽媽咁講過,搞到我好似好危險咁,我仲好老定。」
撰文:卓寶花
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載