› 選擇地區
三藩市
紐約
洛杉磯
其他美國地區
香港 台灣 北美
 
2018年12月18日

讚向華強70大壽仲好後生
鄭秀文叫開戲做賭神太

電影公司中國星老闆向華強前晚在灣仔一酒店舉行70大壽生日派對,到賀嘉賓包括劉嘉玲、邱淑貞和二女沈日、李連杰、鄭秀文、關之琳及古天樂等。最難得是正在紅館舉行演唱會的劉德華,一完騷後即趕去跟向華強、向太切壽桃,更上台獻唱,劉嘉玲走到台邊獻花,十分開心。

相關新聞:應采兒鬆身裙飄孕味

當自己50歲

向華強談到生日願望時表示:「我當𠵱家係50歲,好健康地活多20歲,呢個係最低嘅要求。」向太陳嵐甜蜜地附和:「我90,你99,大家一齊走!」問到向太送了甚麼禮物?向太指這個生日派對由她一手籌備,向華強即說:「梗係感動啦!」向太表示二人一起38年,希望有60年,向華強表示屆時再搞大派對,他笑說:「可能到時行路唔方便,咁希望40年再搞一次大party,等到佢90歲,我哋可以行得、食得、玩得。」問到向佐對爸爸有甚麼表示?他說:「準備唱一首梵文歌,同埋黑澤明畫嘅畫,梵文係最大嘅祝福。」

捐錢當賀禮

鄭秀文表示應主人家要求沒有送禮:「人到,向華強已經好開心,祝佢70歲有心有力,開拍多啲電影,其實向華強完全唔似70歲。」在旁的張家輝指向華強閒時會練氣功,鄭秀文說:「咁好成功喎,最重要係健康,生活快樂已經足夠。」張家輝透露都有做善事作賀禮,鄭秀文指:「𠵱家興咁樣,好似華仔開演唱會,都好少送花,做善事會有意義,我嚟緊都開演唱會,我都叫朋友唔好送花,我寧願吹多啲氣球整熱氣氛。」她半開玩笑提議向華強開拍《向華強傳》或者《龍五傳》,更提議向佐做龍五、張家輝做賭神、自己做賭神太太。

另外,曾志偉受訪時直言前晚的派對厲害過台慶,他說:「一定勁過台慶啦,好開心,今日大家一齊聚吓。」他更笑言會不醉無歸。
採訪:黃曉妍
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載