› 選擇地區
三藩市
紐約
洛杉磯
其他美國地區
香港 台灣 北美
 
2018年12月22日

透露女兒已離家
吳綺莉學與卓林磨合

吳綺莉(Elaine)昨日在西九龍出席慈善活動,今次Elaine捐出15幅畫作製成畫冊進行義賣,有部份畫作是卓林小時候的作品。卓林在上月底宣佈跟女友Andi結婚,回港後因欠租2,250元而被賓館東主報警求助,結果由吳綺莉收拾殘局,最後卓林與Andi坐的士返大坑寓所。對於卓林接二連三發生事,身為媽咪的Elaine會否感到大壓力?她說:「每個人有唔同嘅壓力,朋友同埋親人之間,要互相扶持,我想帶呢個訊息畀屋企人。」

「人要自我反省」

Elaine透露卓林已經離開屋企:「大個嘞,要學習朋友之間要提醒,做事唔可以太快太急,每個人都有自己嘅觀點角度,唔可以逼人做唔鍾意做嘅事。」問到有否勸過卓林留在家中?Elaine說:「冇話勸嘅,等佢自己經歷感受,我只可以在旁提醒,人要自我反省,要時間學習。」問到卓林在經濟上有否求助?Elaine說:「合理喇,唔講喇,大家冇提起,冇得擔心,我係基督徒,所有嘢都交畀神。」

談到目前與卓林的母女關係,Elaine直言:「係磨合期,我年紀比佢大,都係學習嘅階段。」對於卓林接受本報訪問時曾經提及在上海讀書時遭同學欺凌,Elaine說:「要從中學習,發生咗事應該係用正能量去諗解決方法。」至於卓林父親成龍有否聯絡?Elaine說:「唔關我事嘅問題唔答。」
採訪:羅慧敏
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載