› 選擇地區
三藩市
紐約
洛杉磯
其他美國地區
香港 台灣 北美
 
2019年01月03日

【add人物】馬梓詠火爆名媛 母愛氾濫時

90後、千禧後如何創業,時有所聞,生活無憂的阿太們愛創業也有其背後故事。名媛馬梓詠(Helen Ma)性格剛烈火辣,2015年和關之琳合作做護膚品決裂告終,兩段婚姻也離異收尾,其中首任丈夫是樂基兒現任老公Ian。烈女不怕死,Helen Ma上月繼續創業推出曲奇,背後最大動力是六歲女兒Shyme,「佢冇爸爸,我想佢依然有好多愛包圍住,咁我就滿足了。」
撰文:林妃
攝影:郭賢興

馬梓詠可說是另類阿太,性格和她Ig的泳衣相一樣,火爆又火辣。身兼多職的她,是Mana Catering創辦人,搞時尚美容網上平台Helen Ma Love Muse,最為人知要數她曾是關之琳閨密,兩人2015年合作出美容品牌RK Beauty,但只做了一年就結業,兩人也難復往日好感情。

叫關之琳姐姐

「因為做嘢,朋友之間會有拗撬,會唔開心、傷感情。姐姐關之琳個人好好,好就得人,但我就火爆,我係一畢業出嚟就打工,我慣咗喺office做嘢,好多嘢佢唔明,要同佢解釋。大家嗰時真係好好感情,所以乜都係忍嗰啲性格,冷戰,唔高興咁樣。做beauty由做開荒牛、做代理,到自己做一個品牌出嚟,有乜未做過呢,所以大家不如停一停咁,咪冇做囉。」

跟關之琳合作出品牌前,Helen Ma早在美妝圈子打滾,「大學畢業返嚟,我打咗兩、三年工,一返嚟我就喺LVMH做,喺Guerlain,第一份工做咗兩年,都算有耐性。之後去咗Joyce做buyer,嗰時未有Joyce Beauty,咁就由零開始,到開咗三間舖,差唔多三年,我就走。」家族有錢,不愁生活,辭工不做因為要結婚,婚後無所事事,遊山玩水。離婚後,無所事事,再走去代理法國品牌Evidens de Beaute,「三年內開咗兩間SPA,表面好成功,但內裏好多辛酸嘢大家唔知。嗰次都蝕到入肉,唔入肉,你就唔知痛。」做luxury branding花費大,死守兩年又遇到店舖附近變地盤,最終蝕過千萬離場。

愛女兒出曲奇

做代理蝕千萬,開護膚品牌賠上姐妹情。拍檔呼喚下,Helen才與16年前留學時認識的好友,創立Mana Catering,又再創業餐飲,推出以女兒Shyme命名的健康曲奇。「成日都創業,我鍾意creative啲嘢。同埋我諗法係,除非你想做個師奶啦,因為唔做嘢好似好唔update,好唔潮。做曲奇因為我鍾意食嘢,曲奇又容易整,我哋做開catering又有自己廚房,因為係一個mother and daughter嘅嘢,就諗住用靚啲材料、健康啲,冇咁油膩嘅配方。」新品牌又以女兒命名,頭炮加入慈善意念,希望將對女兒的愛散播出去。

名字日日歡樂

拍攝期間,Shyme不停讚媽咪靚,兩人長期kiss kiss,母女感情極好,中法混血小美女操一口流利廣東話,而且學洪拳,東西文化反差非常大,更覺有型可愛。「阿女個名叫馬日歡,係婆婆幫佢改,要日日都開心,佢好襯呢個名,呢個都係我心願,因為冇咗爸爸,我想佢有好多愛包圍住,咁我就滿足了。」問收了火的Helen,可再有勇氣結婚,她說:「人哋成日話順其自然,我連順其自然都唔想,我經歷咁多嘢,婚姻呀,工作呀,去到一個位,你唔使火爆就唔好火爆。」

婚姻錯失

馬梓詠個性爽快直率,對於兩段失敗婚姻,她都毫不否認是跟自己火爆性格有關,「我係好剛烈,其實都有少少屋企影響,我哋潮州人,我嗰時係有一下覺得,冇乜男仔係會好叻,咁遇到嘅,我又好細個,冇去諗做乜要同呢個人一齊,愛情大過天,就結婚一齊,冇認真咁諗呢個過程,所以錯完再錯,錯兩次!」第一段婚姻的丈夫Ian,已與樂基兒結婚,Helan跟Ian婚姻維持兩三年,和平分手。

第二任法國老公,Helen甫結婚就懷上女兒Shyme,文化差異與性格火星撞地球,「前夫試過感染流感A型、B型,中過兩次,第一次我又唔知喎,反眼嚇死我,我又唔知call白車係去唔到我要去嘅醫院。嗰時分開咗,我都掙扎有唔開心的,點解冇人同我分擔,冇人陪住我。」艱難時刻過後,寧願一個人上路。

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載