蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月07日
馬上成為壹會員

百萬行最高人氣
MIRROR幫ViuTV挫無綫

男團MIRROR昨早參與在中環舉行的百萬行,吸引大批fans到場支持。

無綫、ViuTV和新城昨日參與中環百萬行,雖然無綫人多勢眾,派出由高層鄭善強、杜之克及樂易玲領軍的90人隊伍,較ViuTV總經理魯庭暉領軍的60人隊伍多,但無綫今年卡士甚弱,為人熟悉的藝人就只有陳煒、黎諾懿、徐榮、陳庭欣和安德尊等,相反ViuTV派出人氣男子組合MIRROR,吸引半百fans到場打氣及舉牌支持,並以姜濤的fans最多,當MIRROR入場時,一班fans叫個不停,但無綫一隊行入會場時,有市民皺眉說:「都唔識嘅!」

馬德鐘因家人缺席

對於MIRROR聲勢浩大,身為隊長的Lokman說:「多謝,朋友畀面,我哋之前都驚見唔到佢哋(歌迷),佢哋太熱情,喺港鐵站已經捕住我哋。」陳安立曾與黃心美傳緋聞,對於心美與薛芷倫大仔馬桂烽拍拖,陳安立說:「我戥佢開心,不過佢冇回應,我都唔講咁多。」

昨日馬德鐘本有份行百萬行,但因家人身體不適入院而缺席,樂易玲說:「佢因屋企有人唔舒服入醫院,凌晨5點幾打畀我話嚟唔到,我應承咗佢唔講得乜事。」

陳煒留意亞視裁員

說到新組合MIRROR人氣勁搶盡風頭,樂易玲表示:「都有留意望吓,覺得幾好幾靚仔。」可有意撬眾人過檔?樂易玲說:「唔好咁。」提到無綫可以組隊力撼,樂易玲表示:「同Herman(何哲圖)講,其實我哋公司都有好多後生仔同訓練班學員,Herman唔做我做啦。」亞視近日又裁員,亞姐出身的陳煒說:「希望唔好有呢啲事,就快過年啲人會好徬徨。」
採訪:卓寶花、黃曉妍
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載