› 選擇地區
三藩市
紐約
洛杉磯
其他美國地區
香港 台灣 北美
 
2019年01月09日

鄭秀文愛獨處 放老公去玩

鄭秀文昨日出席品牌活動,表示怕凍不跟老公許志安去滑雪。

鄭秀文(Sammi)、梁洛施、倪晨曦、何超蓮、馬天佑等,昨日在中環出席活動,提到許志安去了外地滑雪沒有同行,Sammi說:「我怕凍,同埋佢哋全男班,突個女仔出嚟好似唔係好方便,同埋滑雪我興趣不大。」笑問她可會擔心全男班出埠時,Sammi即謂:「就算有女仔都係去滑雪箒,兩夫妻講個信字,如果要有事點都有事啦,我怕凍唔去喇,而且我平時較多時間獨處,反而安仔會擔心。」Sammi又透露農曆新年會留港和家人度過,又呼籲大家如果屋企有老人家,都要珍惜相處時間。

梁洛施帶子外遊

何超蓮透露後日將舉行慈善福袋義賣,為失聰小朋友籌款,超蓮表示自己與一班義工日以繼夜親手包裝,準備了1,800個福袋,預料三日內會售罄。她又指去年最終籌得40萬,希望今年會籌得更多,她說:「今年搵到好多贊助商,佢哋都畀咗好多王牌產品我哋做義賣。」

三子之母的梁洛施,表示農曆新年會跟三個囝囝去旅行,她的媽媽也會同行。她說:「其實以前都試過一湊三,我都OK,佢哋都算乖,但仲有進步空間。」提到三個囝囝現在有甚麼喜好?梁洛施透露細仔鍾意武術,現在都加入了武術隊,另一個就喜歡音樂。

倪晨曦年底完婚

另外,問到早前宣佈已訂婚的倪晨曦,為何相隔那麼久才公佈喜訊,她表示:「自己都用咗好多時間去平復心情,同埋都想喺2018年最後同大家分享,自己睇番求婚片段都仲好感動,我覺得呢件事好值得開心。」關於婚期,倪晨曦指應該會在年底,但時間地點仍未計劃。未婚夫已見家長?她說:「已經見過幾次,父母長期居住喺加拿大,有時返港探我時會見埋未婚夫,父母都讚未婚夫乖仔。」
採訪:張俊銘
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載