› 選擇地區
三藩市
紐約
洛杉磯
其他美國地區
香港 台灣 北美
 
2019年01月09日

【add名人物】JM演員呢樣嘢

Janice Man三年前轉攻內地拍劇,拍得非常開心。

文詠珊(Janice Man)上月剛過三十歲生日,十四歲由做模特兒踩入演藝圈,轉眼間入行超過十五年。不少圈中人北上發展拍真人騷、綜藝節目,賺了名氣又賺到錢的成功例子,多之又多, JM三年前也將工作重心移向內地,但重心放在拍劇,「我唔係抗拒,但比較鍾意做戲,我嘅身份係演員,我想集中做好呢樣嘢!」
撰文:陳蔚渝
拍攝:郭賢興
服裝提供:Coach

文詠珊指三年前北上拍劇,回想這個決定,依然為此感到開心,當初JM在一個陌生環境工作,遇過不少艱辛,但接到好劇本、好角色,相信所有都變得值得。她坦言在內地拍劇,舒服有限,環境氣候全都會影響狀態,不過她說自己適應力強,最艱辛的時候已經捱過了,「當時都唔清楚係乜嘢環境㗎,普通話又唔係叻,都有艱難嘅過程,但我同自己講,我要克服,我要戰勝,我都可以講得好好,所以由第一日開始就練,第一部劇就用普通話講對白,但好多時要帶動情緒,要講得好急切,其實都難,又想講得好快,都會窒, 會有呢啲位。」

劇本睇三次

JM坦言現在已說得一口流利普通話,但有時還是會被對白難倒,「唔知點解我接到嘅角色,永遠都係要講啲好鬼難嘅專業術語,真係好奇怪,可能今次講珠寶,下次講密碼情報,今次又講啲武打招式,我係唔識打,但就要好叻咁分析招式,啲招式名係好難記,總有一啲好難,唔係生活用語嘅對白,所以每套劇都總有難嘅地方。」

今年會有電影翻拍的新劇《風聲》播映,JM這次飾演一個機智又冷靜的情報科人員,坦言非常有挑戰性,十年前電影版中的角色是由李冰冰飾演, 難免會擔心被觀眾拿來做比較,「我睇咗呢套戲之後好鍾意,但同時間又好矛盾,好驚接咗呢個角色會好大對比,驚做得唔好,想接但又覺得好大壓力,要演繹到情緒同細節,都需要去好多時間揣摩。」開拍前,JM要用兩個多月時間去消化劇本,「第一次睇係完全唔明,好多點被混淆,至少睇三次先明,原來動機係咁,原來係局中局,所以我非常鍾意呢個劇本。」

工作忙碌,一劇接一劇,JM更明白懂得休息最重要,也是工作一部份,「我個人唔可以懶,但要適當地畀一個空間自己放吓假,refresh完個狀態係唔同,所以休息好重要,如果一路keep住做嘢好易「滑啞」,靈感同表演都需要空間,我覺得有一個停頓,再去接新角色當然會好啲。」

女人三十經常被形容為一個階段、一個關口,JM上月剛過了三十歲生日,她笑說心態仍然保持十八歲,「呢個心態好重要,因為好影響成個人嘅心情同狀態,唔同狀態有唔同嘅好玩,啱啱踏入三十我覺得又唔同咗,自己又成長咗,係一件好事。」

有諗過結婚

與男朋友感情穩定,問到JM可有結婚打算,她立即秒答:「我都係女人嚟,梗係有。」不過再追問婚期,就要保持神秘。」

內地護膚術

長時間在內地拍劇,皮膚經常面對嚴寒惡劣天氣,令JM獲得不少護膚心得,「之前去雲南拍戲,乾到頭皮落雪,紋都出晒嚟,𠵱家會好勤力一日做兩、三次面膜,我會因應唔同地方做唔同步驟,瞓覺前會搽油,搽完按摩再搽精華素,再用面霜鎖住。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載