蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月11日
馬上成為壹會員

飛甩陳家樂半年
余香凝保險才俊 快閃尋樂

【爆相爆片】余香凝去年6月被指背着拍拖四年的男友陳家樂,多次到保險才俊許焯倫(Victor)屋企宿一宵。事後,陳家樂含淚承認情已逝,女方因此被封為「拜金港女」,余香凝事後解釋跟陳家樂財政獨立,而在Victor家過夜只是通宵開會。

匿埋背後

事隔半年後,陳家樂似乎已經有「着落」,去年12月跟陳瀅拍劇傳緋聞,《蘋果》讀者更影到二人在中環食日本菜撐枱腳。至於,余香凝跟Victor感情生活亦似乎開始浮面,被《蘋果》讀者謝小姐透過「爆相爆片」,直擊大前日她跟Victor在中環嘉年華玩攤位遊戲。謝小姐表示:「嗰晚10點半,我喺一個玩拋圈仔嘅攤位見到佢哋,佢哋啱啱企正喺我對面玩。」

謝小姐補充:「余香凝嘅警覺性都幾高,基本上我一攞個電話出嚟,已經被佢望到實,佢見到我向佢嘅方向影相,就即刻匿喺個男仔身後,然後掟埋手上嘅圈圈就即刻走,大約都係玩咗六分鐘左右。」

表現避忌

照片中,當時戴着Cap帽並化了淡妝的余香凝,警覺性明顯比身邊的Victor強,就算玩攤位遊戲,雙眼都好留意周圍,反而Victor玩得好投入。謝小姐透露自從余香凝發現有鏡頭對着自己時,全程同Victor零交流,各有各玩,玩完後更立刻離開攤位。

余香凝其後在Ig亦有貼出到嘉年華遊玩的相片,不過相中就完全不見Victor身影,只是放了前年嫁給富二代老公、目前大肚的模特兒鄧穎堯(YoYo)合照。她在Ig留言:「契媽同Chu Bae一齊去AIA,今年仲喺Yo個肚度,下年我抱住!」
採訪:小米

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載