蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月11日
馬上成為壹會員

藝名出自才子老公左几

愛姐跟于粦拍攝的《金玉滿堂》,就是由丈夫左几執導。電視圖片

梁愛的丈夫左几,是40年代粵語片著名導演和編劇,作品包括《月宮寶盒》、《難兄難弟》和《一水隔天涯》等逾百部電影。任劍輝與白雪仙主演的《帝女花》也是左几執導,但因為他當年被列入黑名單,電影不能在台灣及星馬等地上映,才由龍圖掛名為導演。愛姐入行做演員,也是因為左几:「嗰時我做工廠妹,後期去片場做茄哩啡,拍吓拍吓就識到好多人,佢哋叫我做戲,我咪做囉。之後嫁咗個導演(左几),佢對我好好,我初出道藝名方虹,都係佢改嘅。」

後來左几加入亞視前身麗的電視,製作過不少膾炙人口的劇集。愛姐對丈夫的威水史侃侃而談:「我老公喺麗的電視時做過訓練班主任,又拍過電視劇《華龍探案》,又做過創作主任,《天蠶變》我老公有份度呢條橋,但佢唔喜歡出名,所以佢做過乜嘢都好少人知。其實《鱷魚淚》同《十大奇案》佢都有份度橋,麥當雄一有唔掂就去我哋屋企瞓覺,求我老公寫個劇本畀佢。」

相關新聞:鬥氣星爺 演乜都得

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載