› 選擇地區
三藩市
紐約
洛杉磯
其他美國地區
香港 台灣 北美
 
2019年01月27日

藍潔瑛長眠 林建明:佢𠵱家好好

藍潔瑛去年11月3日被發現於獨居的赤柱馬坑邨公屋猝逝,終年55歲。藍潔瑛的骨灰近日被安放於長沙灣天主教墳場,墓碑寫上藍潔瑛聖名「Maria」以及其離世日期為去年10月31日。其生前好友林建明昨日特地前往拜祭,更謂日前夢見藍潔瑛,對方笑得非常燦爛,她與契仔也有為墓碑清潔打掃。

夢中相見

林建明昨日接受訪問說:「我一向好少發夢,但早幾日藍潔瑛真係出現喺我夢中,佢笑得好開心、好燦爛、好靚,同我以前見佢個樣好唔同,就好似話畀我知,佢喺另一個世界生活得好好、好開心。我記性唔係咁好,今日講完嘅嘢聽日可能唔記得,但今次藍潔瑛出現嘅情景,我竟然記得好清楚。」

藍潔瑛出現在林建明夢中後,林建明就收到藍潔瑛朋友電話:「話畀我知藍潔瑛喺邊度(骨灰安放處),所以今日我就同契仔去咗長沙灣天主教墳場探佢,買咗啲好靚嘅花畀佢。嗰度地方都好大,但我一去到就好容易搵到佢,見到佢之後,發覺同我發夢見到佢嘅情景好似好似,都係一樣咁靚咁開心,我覺得係藍潔瑛想話畀所有關心佢嘅朋友知,佢𠵱家好好、好開心,想答謝大家關心,所以我決定將呢件事講出嚟。」
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載