› 選擇地區
三藩市
紐約
洛杉磯
其他美國地區
香港 台灣 北美
 
2019年02月05日

感情猛進同老傭人用餐
超盈覓食 男友看實手袋

【爆相爆片】賭王四房千金何超盈近年致力搞藝術拍賣及文化保育,一副女強人姿態,工作有了明確目標及方向外,感情生活也有着落。去年11月,超盈與男友到日本出席友人婚禮,被同行的林心兒將合照放上社交網,其後超盈認有拖拍。日前《蘋果》讀者何小姐透過「爆相爆片」,直擊超盈與男友在灣仔拍拖食buffet,同行還有何家的老傭人「鍾姐」。

不停咬耳仔

當日超盈身穿潮牌超大粉紅羽絨如「啤啤熊」造型,何小姐表示:「當時大概晚上7點,佢哋嚟食6點至8點嗰場buffet,超盈冇化妝,着住件大羽絨同短褲去排隊攞嘢食,好多人都認得佢,不過估唔到佢都會排隊食buffet,呢個時段嘅buffet收680元。由於佢件褸好大件同埋排隊攞食物條走廊好窄,佢拎住兩碟嘢都撞到人,後來佢排隊去攞燒味,當晚仲有個老人家喺現場,我聽到超盈叫佢做『鍾姐』,鍾姐喺另一條隊攞食物。」

超盈與鍾姐拿食物後便返回座位,餐廳經理明顯認得超盈,一度為超盈開路。返回座位後,何小姐就發現超盈的男朋友,她說:「佢哋坐低嗰張枱,仲有個男仔喺度,個男仔睇落細過超盈,佢冇出去攞嘢食,反而幫佢哋睇住啲手袋,佢見到超盈就即刻企起身,之後佢哋不停咬耳仔。」超盈更對鍾姐說:「我將你個手袋放入裏面。」吃了一會後,何小姐表示超盈又再出動,拿了兩大碟甜品,其間超盈與男友雞啄唔斷,似乎有很多共同話題。

四太讚斯文

與超盈共晉晚餐的四眼男,應該是11月和她到日本出席友人婚禮的男友Thomas Xin,估計超盈今次是帶男友見鍾姐。平時是千金小姐的超盈,但當對住男友和鍾姐,即變身「阿四」,親自出去排隊取食物,認真「廿四孝」,既貼地又貼心。之前超盈被揭戀情時,四太曾向傳媒表示與超盈男友見過面,更大讚對方斯文。
採訪︰唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載