› 選擇地區
三藩市
紐約
洛杉磯
其他美國地區
香港 台灣 北美
 
2019年02月09日

張家輝X林嘉欣X劉青雲 
夫妻吵架藝術

【娛樂人物】劉青雲、張家輝和林嘉欣組成兩影帝一影后「鐵三角」陣容主演的賀歲片《廉政風雲 煙幕》,截至前日票房大收約1,181萬,在五套華語片中暫時領先。三位同屬已婚人士,日前受訪時談及跟另一半的相處之道。青雲自爆會跟太太郭藹明鬧交,林嘉欣希望每次吵架都贏,張家輝則主張夫妻和諧。

劉青雲、張家輝和林嘉欣在賀歲片《廉政風雲 煙幕》中結片緣,青雲和林嘉欣在片中飾演夫妻,婚姻卻出問題,他們第一日開工便要拍嗌交戲,林嘉欣日前接受《蘋果》專訪時說:「嗰場戲令我好有感覺,佢懷疑我嘅工作能力,但我又要去澳洲,坐飛機前有嘢唔開心,我要回頭望佢,佢喺露台目送我時,心係關心我,把口死都唔認。」

適當時溫柔

青雲指跟林嘉欣的鬧交戲按劇本要求:「係兩公婆陰陰濕濕篤對方,明知講呢啲你實嬲,現實中我好少鬧交,通常係一個講,另一個唔講,我係講嗰個,睇個樣都知啦!」林嘉欣希望每次吵架都贏:「但唔係次次成功,有時都要say sorry,做人老婆喺適當時候都要溫柔。」至於張家輝則是和平使者,不主張爭執:「我覺得最好唔好鬧交,就算自己唔啱,過兩日自己扮冇嘢,其實我啱㗎嘛大佬!幾十歲人仲鬧乜,再鬧就係嗰啲七旬老公老婆互撼。」

得閒匿埋房

其實,片中張家輝與林嘉欣也有爭執,並擦出不少火花,他說:「上次我做導演、佢做演員,戲內戲外都冇乜嘢好傾,打個招呼就埋位,但係我今次做演員就開心好多,大家傾吓偈,了解一下,食啲嘢。」林嘉欣卻笑說:「我哋去咗澳洲拍咗一個月外景,呢一組好健康,星期一至五拍完,六、日休息,我把握時間周圍去,開頭諗住同佢交流,點知佢放假就匿喺間房,好悶。」
採訪:卓寶花
攝影:仇志德
場地提供:BounceLimit

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載