蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年02月09日
馬上成為壹會員

好友猝逝頓悟:我要企番起身

珍妹曾與藍潔瑛拍《大時代》,因而結緣。劇照

李麗珍想通了,只是因她,和她。「我嘅好朋友羅明珠離世,生命原來好化學。跟住藍潔瑛又走得好突然,當年拍《大時代》我哋都好好朋友,後來佢疏遠咗朋友,或者係朋友疏遠佢,佢突然間咁離開,忽然令我醒覺,問自己:『好難擔保下一個唔係我!』我唔想咁樣,再唔走出嚟就係等死,我唔想死,唔想令粉絲、家人、朋友失望,我要企番起身。」帶着笑容的李麗珍,是新造的李麗珍。

相關新聞:【娛樂人物】慨嘆原來最後唔要我珍妹戇居居等復合潘源良:不如相忘於江湖

現年21歲的女兒許倚榕,是珍妹努力活好的支撐點。「因為有佢喺度,我成日覺得自己有個責任,唔可以令佢唔開心,同埋要令佢健康成長,我已經供到佢讀大學,仲有兩年就畢業,冇理由𠵱家放棄嘛,我都要快啲企番起身,追番啲時間。阿女經常同我講:『媽咪你開心我就開心。』佢咁樣講我好感動。」

回復光彩、戲癮大發作的珍妹,現在勤做Gym,除為工作,也堅決除污名。「我唔介意啲人重提我嘅舊事,或者覺得我以前點樣,但我𠵱家先知道,我介意其他人點樣睇我嘅將來,我唔想以後都俾人叫肥珍、肥婆,我希望自己係一位成功嘅50歲港女。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載