蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年02月12日
馬上成為壹會員

跟阿媽拜年長輩爭影相
古仔忙拍戲拒錄歌

古仔昨日在新春活動上負責醒獅點睛儀式,之後更擺出有型甫士影相。

古天樂昨日到銅鑼灣出席新春活動,席上負責醒獅點睛儀式,兩位小朋友更向他送上皇冠,寓意古仔在娛樂圈稱王稱霸。同時古仔又獲贈一支金咪,代表歌迷希望他在今年繼續唱歌。古仔在活動中表示在家中是長子嫡孫,所以有很多傳統習俗要由他負責,至於今年的新年願望是身體健康。

「好開心有利是𢭃」

受訪時,古仔直言沒有錄歌出碟的打算,而他亦要為電影開工。古仔說:「遲啲要去緬甸同西班牙一個月,拍一部動作片,拍完返嚟先再開《尋秦記》電影版。」近年受到腰患困擾,古仔訴苦說:「呢部戲都打咗一輪,遲啲喺西班牙鬧市有槍戰戲。」見古仔頸部貼上了膠布,他解釋說:「之前頸骨做咗手術,醫生叫我黐膠布半年去疤。」

未婚的古仔,自爆樂於繼續𢭃利是:「有返公司派利是,但亦有𢭃利是,好開心,咁大個人仲有利是𢭃,仲跟媽咪去拜年。」有沒有長輩向他催婚?古仔笑言已多年沒有被催婚:「每年都會去七、八個親戚屋企拜年,每次有十幾人,佢哋會影相,派利是又影,𢭃利是又影,寶麗萊又影,自拍又影,仲要簽埋名,所以一個人起碼影五張相,搞搞吓就冇時間講其他嘢。」

演藝人協會出App

此外,身為演藝人協會會長的古仔,透露將會推出演藝人協會手機應用程式,他說:「𠵱家已經進行內部測試,下個月演藝人協會春茗再公佈,內容主要有演藝人嘅資料同專長,佢哋可以自拍片段放上去,大家亦可以留言畀藝人,而電影公司、廣告公司可以喺app搵適合嘅藝人做嘢,有一個互動化。」
採訪:黃曉妍
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載