› 選擇地區
三藩市
紐約
洛杉磯
其他美國地區
香港 台灣 北美
 
2019年02月20日

辣媽JC超短裙湊女出巡

【爆相爆片】擁33C警鐘胸嘅混血名模Jessica C.(JC)同安志杰前年10月喺美國結婚,兩人生咗一仔一女。為咗照顧一對寶貝仔女,JC減少咗幕前嘅工作,專心喺屋企相夫教子,搵錢嘅重任留番畀安志杰負責。

作為一個兩子之母,有時候難免未能夠同時兼顧到兩個小朋友,惟有係盡量去做,所以JC就算生咗細仔Elvis,但係依然冇忽略大女Tessa,陪吓囡囡去街街,增進母女嘅感情。日前《蘋果》讀者胡小姐透過「爆相爆片」,直擊JC帶住大女去咗灣仔會展睇迪士尼騷,實行母女親子樂。當時同行仲有JC嘅女性朋友同一名小女孩,胡小姐表示:「當時大概8點左右,佢就帶住囡囡,見到佢哋嗰時係中場休息,佢個女仲一身《Frozen》入面嘅Elsa打扮。」

捕捉囡囡萌樣

胡小姐仲話雖然JC已經係一對仔女嘅媽咪,但當日佢嘅造型都十足一名「辣媽」feel,白色短裙襯長boots,似乎係經過悉心打扮,胡小姐話:「佢化咗妝,同着咗條好短嘅白裙。但係JC都幾細心,不停望住囡囡,行上樓梯又叫佢小心啲,佢個女玩得好開心,又食嘢又影相。」喺片段中,見到JC拎住一袋戰利品,手執水壺,仲要做埋囡囡嘅攝影師,一時屈膝、一時企直,嘗試多角度捕捉囡囡萌樣。JC仲要不斷逗Tessa露出笑容,顯得有啲手忙腳亂。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載