› 選擇地區
三藩市
紐約
洛杉磯
其他美國地區
香港 台灣 北美
 
2019年02月20日

【娛樂人物】主動出擊搵演出機會
衛詩雅「我係𢱑撈」

衛詩雅坦言演員態度被動,換來是苦等不到機會,她會選擇主動出擊找演出機會,更直認「𢱑撈」。

電影業蓬勃時流傳一句說話:「唔好放過任何一個機會。」時至今日,每年開拍的港產片寥寥可數,更加需要自己把握機會,入行已11年的衛詩雅坦言今時今日做演員不可以被動,她會選擇主動問公司及導演有否演出機會,更直認:「我係𢱑撈。」全因她熱愛演藝工作。
採訪:馬建華
攝影:陳慧安

衛詩雅求學時期從未參與過演出,直至08年參演劇集《四葉草之盛裝舞步愛作戰》才首次演戲。衛詩雅日前接受《蘋果》訪問時,自言一試就愛上做戲:「我自細就好想每份工作都試吓,點知發覺演戲原來可以乜都試,今日做完律師、聽日做賊。」

開工當玩

衛詩雅坦言直至現在每次開工都仍然充滿好奇:「我每次臨出門口開工都覺得好似去玩咁,拍戲過程係玩,等埋位先覺得係開工,我好好彩,可以搵到熱愛嘅嘢作為工作。」她感激家人多年來默默支持,衛詩雅感恩地說:「諗番轉頭,我好慶幸自己有高峰,同有咁低潮得咁低潮,不過仲未有一個好鍾意、能夠係代表作嘅角色出現。」

面對近年香港電影市道低迷,衛詩雅絕對贊成主動爭取工作機會:「我會自己打番公司,話我好想拍戲,公司有乜戲拍、乜角色我都拍,我試過打畀導演:『導演你係咪開緊邊套邊套,我嚟拍一個角色,客串都得。』就算可能冇得演,我都試過問導演可唔可以嚟現場幫手。」衛詩雅坦言現在會觀摩別人演戲,也會留意幕後的工作情況。

唔想齋等

如此進取,不怕被同行評為「𢱑撈」嗎?衛詩雅淡然地說:「我係𢱑撈嘛,𠵱家呢個年代,你唔去問,人哋會唔記得你。」她覺得以前做演員不應放過任何機會,現今甚至要為自己創造機會。衛詩雅更希望年輕一輩反思:「等機會到唔夠積極,你有幾鍾意,幾想做呢份職業,幾想演戲?」她說每年開拍電影有限,加上有一半是合拍片,女演員演出的機會更加微乎其微,故積極爭取機會,才是演員應有的態度。
場地提供:The AIR(The ONE)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載