› 選擇地區
三藩市
紐約
洛杉磯
其他美國地區
香港 台灣 北美
 
2019年02月20日

賭王國產新抱移居香港
猷啟秘婚一年唔心急擺酒

現年27歲的賭王何鴻燊三房公子何猷啟,去年初宣佈向國產靚女Gigi求婚成功。猷啟昨日在上環出席東華三院新春團拜,他忽然自爆在大概一年前,已與Gigi在外地簽紙結婚。太太目前與他一同於香港生活,至於打算甚麼時候擺酒,猷啟則說:「我呢啲唔急嘅,慢慢嚟啦!」

相關新聞:【何家婚禮】超瓊擺酒擺足三晚

賭王三房公子何猷啟前年10月與國產美女Gigi拍拖,於去年年初二在社交網公佈向國產女友Gigi求婚成功。東華三院昨日於上環舉行新春團拜,猷啟以總理身份出席。問到猷啟今年會否公私兩忙,他說:「其實都唔會太忙嘅,屋企、工作兩邊兼顧囉,不過有時都做唔到。」但他否認因工作太忙以致無暇辦理婚禮:「我呢啲唔急嘅,慢慢嚟啦!」至於婚禮具體日期,猷啟表示目前尚未決定,希望等家人較空閒時舉行,不過預計會於今年內完婚。

當記者繼續追問婚禮安排時,猷啟突然支吾以對一會兒,後來表示:「其實我已經結咗婚,𠵱家只係補擺婚禮。」猷啟表示大約一年前已經與Gigi於外地註冊,更透露家人在場見證註冊儀式,爸爸賭王也知曉此事,新年還帶太太向爸爸𢭃利是。

想生龍鳳胎

問到下一步會否到生兒育女時,猷啟表示盡量順其自然,至於未來子女的數目,猷啟說兩、三個已經足夠。猷啟與姐姐超蓮是龍鳳胎,問到將來會否希望生孖胎?猷啟笑說:「我都希望啦!」猷啟又指自己只是進行了一場簡單的簽紙儀式,太太目前與他一同於香港生活。至於賭王目前健康如何,猷啟說:「其實冇乜大問題,身體冇乜事,只係暫時都會留喺醫院先。」

東華三院主席王賢誌昨日主持新春團拜,猷啟於活動上自爆已經結婚,王賢誌原來一早已經知悉此事。王賢誌說:「我哋東華上下好似大家庭咁,有一個group chat,大家有啲乜私事公事都會喺入面share出嚟。記得猷啟有喺group講過,不過知道佢冇打算搞宴會之類,所以實際係幾時我都唔記得咗喇。」他表示曾與猷啟太太Gigi見面:「有見過,有時佢都會一齊出席東華嘅宴會同活動,但唔係成日。」

王賢誌又開口叫猷啟帶太太見大家:「我都唔知佢今日會講呢樣嘢,不過我諗佢識做嘅,第日會安排得好好,夾一個時間同大家好好慶祝。」鄭嘉穎剛榮升人父,身為嘉穎表弟的王賢誌說:「冇見過佢呀,又唔知點搵佢,除非佢話我聽,大家實在近年少咗聯絡,若果佢搞百日宴邀請我,我咪做禮囉。」

超蓮Ig晒背

此外,猷啟的龍鳳胎家姐超蓮的Ig追蹤人數突破50萬,昨日在Ig派福利,貼出兩張在北海道浸溫泉的照片,其中一張是超蓮露出大半個白滑美背,不少網民都讚靚,也有人好奇相片由誰替她拍攝。
採訪、攝影:卓寶花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載