蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年02月21日

【娛樂人物】想搵成熟男
思琦:囡囡想要細佬

現年40歲的楊思琦,繼去年推出噴血寫真後,最近又有新搞作,請來名監製陳浩然操刀推出單曲,憑歌寄意,唱出她對愛情的憧憬。思琦日前接受《蘋果》專訪,自言想找一個懂得愛她的成熟男士,更大爆囡囡不時問她,甚麼時候會有細佬。

採訪:羅慧敏
攝影:葉君海

港姐出身的楊思琦愛唱歌,曾在電視台唱兒歌奪獎,也唱過電視劇主題曲。思琦日前接受《蘋果》專訪,提到今次推出單曲,她自言是一個新挑戰:「40歲係個特別嘅年份,我會唱出自己嘅經歷,希望獲得共鳴。好鍾意『當相信愛情靠信任,要找的人憑我用決心吸引』呢兩句歌詞,我相信自己樂觀、愛心嘅優點,最終會找到有心人欣賞。」

要有經濟能力

思琦早前在內地拍攝電視劇《80度愛戀》,劇中感情世界錯綜複雜又曲折,與現實的她不謀而合:「我覺得不過不失啦!最開心有咗小朋友,將感情轉移去家人嘅愛。」思琦與李泳豪經歷九年愛情長跑,其間遇到囡囡卓穎父親吳帥,兩段情雖然都未能開花結果,但令她成長不少︰「感情冇對錯,我唔會覺得失敗,每段感情都學到嘢,每次都令我有唔同。」

思琦直認希望伴侶有經濟能力:「我諗時下女性大部份都咁諗!有好嘅經濟能力,收入穩定,樣樣嘢smooth啲,唔會咁易出狀況。」不過現階段,她還是選擇自食其力:「希望自強先,可以喺工作方面發力,有收入支持自己,因為單靠遇到有錢人,機會好渺茫!同埋比較投機,靠自己就易把握。」不過說到尾,揀對象人還是人品行先:「要搵個思想成熟嘅男人,明白到我嘅需要,識得愛我同屋企人,最緊要係個心。」

對婚姻有憧憬

恩琦囡囡已經6歲大,作為單親媽媽的她,對婚姻依然有憧憬:「可能冇結過,都想結吓!𠵱家有追求者,希望快啲遇到。我唔抗拒再生小朋友,因為自己都鍾意,同埋囡囡成日問我幾時有little brother,佢好想有個細佬,睇吓有冇機會,唔勉強。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載